phir vahi zid ki dil ko samjhaa lo — Meraj Naqvi

ham tire hijr ki sabhi raatein
pi ke cigarette guzaar dete hain

khud-kushi bhi haraam hai yaa-rab
dil ki vahshat kaa kyaa 'ilaaj karun

niind mein bhi hai sharm chehre par
khvaab mein mujh se mil rahi ho kyaa

tum mire khvaab mein nahin aanaa
TuuT jaate hain mere khvaab sabhi

pahle hansne to do musibat par
phir ye socheinge kyaa kiyaa jaae

jaane kyon hijr ke sabhi mausam
tere lahje mein baat karte hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

taa ki angur hare hon mire zakhm-e-dil ke
dhaani angiyaa mire dildaar ne rangvaai hai

yuun guftugu-e-ulfat dilchasp ham kareinge
aankhon se tum kahoge aankhon se ham suneinge

us ke dil se nikle to ham khud ke dil tak aa pahunche
aanaa jaanaa hotaa rahtaa hai apnaa viraanon mein

ai sakht-gir aandhi itnaa khayaal rakhnaa
ik dil bhi jal rahaa hai is baam par hamaaraa