sad-chaak kiyaa pairhan-e-gul ko sabaa ne — Mirza Mohammad Taqi Hawas

talaash is tarah bazm-e-aish mein hai be-nishaanon ki
koi kapDe mein jaise zakhm-e-sozan kaa nishaan DhunDhe

aashnaa koi nazar aataa nahin yaan ai 'havas'
kis ko main apnaa anis-e-kunj-e-tanhaai karun

sab ham-safir chhoD ke tanhaa chale gae
kunj-e-qafas mein mujh ko giraftaar dekh kar

dekhein kyaa ab ke asiri hamein dikhlaati hai
log kahte hain ki phir fasl-e-bahaar aati hai

dil mein ik iztiraab baaqi hai
ye nishaan-e-shabaab baaqi hai

sahraa mein 'havas' khaar-e-mughilaan ki madad se
baare miraa khuun har khas-o-khaashaak ko pahunchaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

gham mujhe hasrat mujhe vahshat mujhe saudaa mujhe
ek dil de kar khudaa ne de diyaa kyaa kyaa mujhe

kaaghaz ki ye mahak ye nasha ruThne ko hai
ye aakhiri sadi hai kitaabon se 'ishq ki

kahaan pe khologe dard apnaa kise kahoge
kahin chhupaao, ye haal le kar kahaan chale ho