talaash is tarah bazm-e-aish mein hai be-nishaanon ki — Mirza Mohammad Taqi Hawas

aashnaa koi nazar aataa nahin yaan ai 'havas'
kis ko main apnaa anis-e-kunj-e-tanhaai karun

sab ham-safir chhoD ke tanhaa chale gae
kunj-e-qafas mein mujh ko giraftaar dekh kar

dekhein kyaa ab ke asiri hamein dikhlaati hai
log kahte hain ki phir fasl-e-bahaar aati hai

dil mein ik iztiraab baaqi hai
ye nishaan-e-shabaab baaqi hai

lutf-e-shab-e-mah ai dil us dam mujhe haasil ho
ik chaand baghal mein ho ik chaand muqaabil ho

sahraa mein 'havas' khaar-e-mughilaan ki madad se
baare miraa khuun har khas-o-khaashaak ko pahunchaa

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

bhar jaaeinge jab zakhm to aaungaa dobaaraa
main haar gayaa jang magar dil nahin haaraa

jazbon par jab barf jame to jiinaa mushkil hotaa hai
dil ke aatish-daan mein thoDi aag jalaani paDti hai

taDap rahaa hai jo betaab ho ke zakhmon se
ye raaste mein mire dil ke hu-bahu kyaa hai

chashm-e-saaqi mujhe har gaam pe yaad aati hai
raastaa bhuul na jaaun kahin maikhaane kaa