khaamushi teri miri jaan liye leti hai — Mohammad Ali Sahil

meri aankhon mein hue raushan jo ashkon ke charaagh
un ke honTon par tabassum kaa diyaa jaltaa rahaa

duur rahti hain sadaa un se balaaein saahil
apne maan baap ki jo roz duaa lete hain

ham hain tahzib ke alam-bardaar
ham ko urdu zabaan aati hai

masale to zindagi mein roz aate hain magar
zindagi ke masalon kaa hal nikalnaa chaahiye

marte dam tak sab mujh ko insaan kahein
aisaa hi kirdaar miraa ho yaa-allaah

meri nindein haraam kyaa hongi
ghar mein rizq-e-halaal aataa hai

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

tere jaane mein aur aane mein
ham ne sadiyon kaa faasla dekhaa

'shujaa' vo khairiyat puchhein to hairat mein na paD jaanaa
pareshaan karne vaale khair-khvaahon mein bhi hote hain