isi umiid pe jalti hain dasht dasht aanhkein — Musavvir Sabzwari

rishton kaa bojh Dhonaa dil dil mein kuDhte rahnaa
ham ek dusre par ehsaan ho gae hain

hamaare biich mein ik aur shakhs honaa thaa
jo laD paDe to koi bhi nahin manaane kaa

jaate mausam ki tarah us se kabhi mil na sakaa
ek lamhe ke ta'alluq ki sazaa huun main to

koi mahkaar hai khushbu ki na rangon ki lakir
ek sahraa huun kahin se bhi guzar jaa mujh mein

kanaar-e-aab havaa jab bhi sansanaati hai
nadi mein chupke se ik chikh Duub jaati hai

khatm hone de mire saath hi apnaa bhi vajud
tu bhi ik naqsh kharaabe kaa hai mar jaa mujh mein

kam-umri mein sunet hain
mar jaate hain achchhe log

idhar to tuul diyaa hai umiid ko us ne
udhar hayaat ataa ki hai mukhtasar mujh ko

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai