mujhe dariyaa, kabhi sahraa ke havaale kar ke — Nadeem Bhabha

phir mujhe khud bhi khabar ho na saki main huun kahaan
aakhiri baar tire gaanv mein dekhaa gayaa huun

ham ghulaami ko muqaddar ki tarah jaante hain
ham tiri jiit tiri maat se nikle hue hain

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

charaagh dafn kiye the 'nadim' qabron mein
zamin se chaand numudaar ho gae saahib

ye tiri guftugu kaa lamha hai
is ghaDi hai miraa khudaa mire paas

ungliyaan pher mere baalon mein
ye miraa dard-e-sar nahin jaataa

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

khud hi na Duub jaaun ki fursat mile mujhe
neki ladi hai pusht pe dariyaa hai saamne

bakhsh mujh ko na adhuri koi neamat maulaa
yaa to dariyaa hi de puuraa yaa to sahraa saaraa

ishq ne kasrat se jaa ki mujh dil-e-betaab mein
aa bharaa dariyaa-e-aatish qatra-e-simaab mein

tum apne dariyaa kaa ronaa rone aa jaate ho
ham to apne saat samundar pichhe chhoD aae hain

ai naqsh-gar yaqin kar achchhaa nahin banaa
laa phir se kaaenaat kaa naqsha banaaun main