tum inhein baarishein samajhte ho — Nadeem Bhabha

aur koi pahchaan miri banti hi nahin
jaante hain sab log ki bas teraa huun main

mohabbat ne akelaa kar diyaa hai
main apni zaat mein ik qaafila thaa

saare savaal aasaan hain mushkil ek javaab
ham bhi ek javaab hain koi savaal kare

bad-nasibi ki ishq kar ke bhi
koi dhoka nahin huaa mire saath

dil mubtalaa-e-hijr rifaaqat mein rah gayaa
lagtaa hai koi farq mohabbat mein rah gayaa

kuchh is liye bhi akelaa saa ho gayaa huun 'nadim'
sabhi ko dost banaayaa hai dushmani nahin ki

pyaaso raho na dasht mein baarish ke muntazir
maaro zamin pe paanv ki paani nikal paDe

baarish ke baa'd raat saDak aaina si thi
ik paanv paaniyon pe paDaa chaand hil gayaa

baadalon ne aaj barsaayaa lahu
amn kaa har faakhta rone lagaa

'saabir' teraa kalaam sunein kyuun na ahl-e-fan
bandish ajab hai aur ajab bol chaal hai

masjid abru mein teri mardumuk hai jiyun imaam
mu-e-mizhgaan muqtadi ho mil ke karte hain namaaz

fariyaad ai tasavvur-e-abru-e-dil-fareb
qible ki samt bhuul gayaa huun namaaz mein