dekhne vaale ye kahte hain kitaab-e-dahr mein — Parveen Umm

havaa mein jab uDaa parda to ik bijli si kaundi thi
khudaa jaane tumhaaraa partav-e-rukhsaar thaa kyaa thaa

kuchh to kami ho roz-e-jazaa ke azaab mein
ab se piyaa kareinge milaa kar gulaab mein

baal rukhsaaron se jab us ne haTaae to khulaa
do farangi sair ko nikle hain mulk-e-shaam se

agar lohe ke gumbad mein rakheinge aqrabaa un ko
vahin pahunchaaegaa aashiq kisi tadbir se kaaghaz

na aayaa kar ke vaada vasl kaa iqraar thaa kyaa thaa
kisi ke bas mein thaa majbur thaa laachaar thaa kyaa thaa

pi baada-e-ahmar to ye kahne lagaa gul-ru
main surkh huun tum surkh zamin surkh zamaan surkh

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

bahut hi kam ko mili hain mohabbatein 'jaanif'
ziyaada-tar ko to mahbub ne du'aa di hai

jiite ji aur tark-e-mohabbat
mar jaanaa aasaan nahin hai

yuun mohabbat se na ham khaana-ba-doshon ko bulaa
itne saada hain ki ghar-baar uThaa laaeinge