is liye aarzu chhupaai hai — Qamar Jalalvi

sunaa hai ghair ki mahfil mein tum na jaaoge
kaho to aaj sajaa luun gharib-khaane ko

har vaqt mahviyat hai yahi sochtaa huun main
kyuun barq ne jalaayaa miraa aashiyaan na puchh

nasheman khaak hone se vo sadma dil ko pahunchaa hai
ki ab ham se koi bhi raushni dekhi nahin jaati

zaraa ruuTh jaane pe itni khushaamad
'qamar' tum bigaaDoge aadat kisi ki

'qamar' afshaan chuni hai rukh pe us ne is saliqe se
sitaare aasmaan se dekhne ko aae jaate hain

zabt kartaa huun to ghuTtaa hai qafas mein miraa dam
aah kartaa huun to sayyaad khafaa hotaa hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

safar mein hoti hai pahchaan kaun kaisaa hai
ye aarzu thi mire saath tu safar kartaa

kabhi apne vasaael se na baDh kar khvaahishein paalo
vo paudaa TuuT jaataa hai jo laa-mahdud phaltaa hai

pi liyaa karte hain jiine ki tamannaa mein kabhi
laDkhaDaanaa bhi zaruri hai sambhalne ke liye

sayyaad ab jo izn-e-rihaai diyaa to kyaa
muddat hui ki aarzu-e-baal-o-par gai

hai ek umr se khvaahish ki duur jaa ke kahin
main khud ko ajnabi logon ke darmiyaan dekhun