garmi-e-hasrat-e-naakaam se jal jaate hain — Qateel Shifai

ahbaab ko de rahaa huun dhokaa
chehre pe khushi sajaa rahaa huun

rahegaa saath tiraa pyaar zindagi ban kar
ye aur baat miri zindagi vafaa na kare

chars ki bu tujhe bataa degi
''ye dhuaan saa kahaan se uThtaa hai''

chalo achchhaa huaa kaam aa gai divaangi apni
vagarna ham zamaane bhar ko samjhaane kahaan jaate

thak gayaa main karte karte yaad tujh ko
ab tujhe main yaad aanaa chaahtaa huun

na chhaanv karne ko hai vo aanchal na chain lene ko hain vo baanhein
musaafiron ke qarib aa kar har ik baseraa palaT gayaa hai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

hai ek umr se khvaahish ki duur jaa ke kahin
main khud ko ajnabi logon ke darmiyaan dekhun

abhi hain qurb ke kuchh aur marhale baaqi
ki tujh ko paa ke hamein phir tiri tamannaa hai

us ko fursat bhi nahin mujh ko tamannaa bhi nahin
phir khalish kyaa hai ki rah rah ke vafaa DhunDhti hai

dil mein hai mulaaqaat ki khvaahish ki dabi aag
mehndi lage haathon ko chhupaa kar kahaan rakkhun

phunkaa hai kis ne gosh-e-mohabbat mein ai khudaa
afsun-e-intizaar tamannaa kahein jise