Duub jaaein na phuul ki nabzein — Rafiq Sandelvi

suraj ki tarah maut mire sar pe rahegi
main shaam talak jaan ke khatre mein rahungaa

main ik pahaaDi tale dabaa huun kise khabar hai
baDi aziyyat mein mubtilaa huun kise khabar hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

chaand hotaa nahin har ik chehra
phuul hote nahin sukhan saare

jo meri chashm ke parde sharik ho jaate
kamaal-e-daaman-e-abr-e-bahaar baDh jaataa

aaj qaatil kaa gale par mire khanjar chamkaa
lillaahil-hamd ki meraa bhi muqaddar chamkaa