jo meri chashm ke parde sharik ho jaate — Rasheed Lakhnavi

buton ke dil mein hamaari kuchh ab hui hai jagah
khudaa ne rahm kiyaa varna mar gae hote

sabhon ki aa gai piiri jo tum javaan hue
zamin kaa dil huaa miTTi kham aasmaan hue

siye jaate hain kafan aap ke divaanon ke
taar daaman ke hain TukDe hain garebaanon ke

kabhi madfun hue the jis jagah par kushta-e-abru
abhi tak is zamin se saikDon khanjar nikalte hain

zindagi kahte hain kis ko maut kis kaa naam hai
mehrbaani aap ki naa-meharbaani aap ki

gae the hazrat-e-zaahid to zard thaa chehra
sharaab-khaane se nikle to surkh-ru nikle

pyaaso raho na dasht mein baarish ke muntazir
maaro zamin pe paanv ki paani nikal paDe

aandhiyon se Dartaa huun baarishon se Dartaa huun
jab se main ne Daalaa hai ik makaan shishe kaa

mere us ke darmiyaan haail kai kohsaar hain
mujh tak aate-aate baadal tishna-lab ho jaaegaa

hijr-e-jaanaan mein bhi aansu nahin aae mere
khushk sahraaon mein barsaat kabhi to hogi

jhaDi aisi lagaa di hai mire ashkon ki baarish ne
dabaa rakkhaa hai bhaadon ko bhulaa rakkhaa hai saavan ko

main par-shikasta na thaa baadalon ke biich magar
miri uDaan kaa zanjir se lipaT jaanaa