tum samundar ke sahme hue josh ko meraa paighaam denaa — Rafique Khayal

tafsil-e-inaayaat to ab yaad nahin hai
par pahli mulaaqaat ki shab yaad hai mujh ko

baat to jab hai ki jazbon se sadaaqat phuTe
yuun to daavaa hai har ik shakhs ko sachchaai kaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

khilaunon ki dukaano raastaa do
mire bachche guzarnaa chaahte hain

hai mohabbat is vatan se apni miTTi se hamein
is liye apnaa kareinge jaan-o-tan qurbaan ham

ab tak khabar na thi ki mohabbat gunaah hai
ab jaan kar gunaah kiye jaa rahaa huun main