aae agar qayaamat to dhajjiyaan uDaa dein — Rasa Rampuri

vo khush kisi ke saath hain naa-khush kisi ke saath
har aadmi ki baat hai har aadmi ke saath

baDi hi dhuum se daavat ho phir to zaahid ki
ye mai jo chaar ghaDi ko halaal ho jaae

baad-e-fanaa bhi khair se tanhaa nahin hain ham
bandon se chhuT gae to farishton mein aa mile

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

qaatil tiri gali bhi badaun se kam nahin
jis ke qadam qadam pe mazaar-e-shahid hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

sabza o gul kahaan se aae hain
abr kyaa chiiz hai havaa kyaa hai

saare jahaan se achchhaa hindostaan hamaaraa
ham bulbulein hain is ki ye gulsitaan hamaaraa