zulf ki shaam subh chehre ki — Sabir Dutt

ye kaisi siyaasat hai mire mulk pe haavi
insaan ko insaan se judaa dekh rahaa huun

phir laai hai barsaat tiri yaad kaa mausam
gulshan mein nayaa phuul khilaa dekh rahaa huun

ji bhar ke tumhein dekh luun taskin ho kuchh to
mat shama bujhaao ki abhi raat bahut hai

log karte hain khvaab ki baatein
ham ne dekhaa hai khvaab aankhon se

rukh un kaa kahin aur nazar aur taraf hai
kis samt se aati hai qazaa dekh rahaa huun

muddaton baad uThaae the puraane kaaghaz
saath tere miri tasvir nikal aai hai

raat ke lamhaat khuni daastaan likhte rahe
subh ke akhbaar mein haalaat behtar ho gae

har ek subh vazu karti hain miri aankhein
ki shaayad aaj to aa jaae vo habib nazar

ye raat yunhi basar ho gai to kyaa hogaa
tire baghair sahar ho gai to kyaa hogaa

roza rakhtaa huun subuhi pi ke hangaam-e-sahar
shaam ko masjid mein hotaa huun jamaaat kaa sharik

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

'taabish' jo guzarti hi nahin shaam ki had se
sochein to vahin raat sahar-khez bahut hai