ye kaarobaar-e-mohabbat hai tum na samjhoge — Sabir

chilchilaati-dhup thi lekin thaa saaya ham-qadam
saaebaan ki chhaanv ne mujh ko akelaa kar diyaa

ham us ki khaatir bachaa na paaeinge umr apni
fuzul-kharchi ki ham ko aadat si ho gai hai

rakhe rakhe ho gae puraane tamaam rishte
kahaan kisi ajnabi se rishta nayaa banaaein

saare manzar hasin lagte hain
duriyaan kam na hon to behtar hai

mujh se kal mahfil mein us ne muskuraa kar baat ki
vo miraa ho hi nahin saktaa ye pakkaa kar diyaa

tire tasavvur ki dhuup oDhe khaDaa huun chhat par
mire liye sardiyon kaa mausam zaraa alag hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

zer-e-shamshir-e-sitam 'mir' taDapnaa kaisaa
sar bhi taslim-e-mohabbat mein hilaayaa na gayaa

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

lailaa chali thi haj ke liye jazb-e-ishq se
naaqa machal ke najd ki manzil mein rah gayaa

paas-e-adab se chhup naa sakaa raaz-e-husn-o-‘ishq
jis jaa tumhaaraa naam sunaa sar jhukaa diyaa