ham bhi usi ke saath gae hosh se 'said' — Saeed Ahmad

jo tire khitta-e-be-aab ki khvaahish na banaa
kulbulaataa hai vo dariyaa kisi kohsaar mein gum

us din se paaniyon ki tarah bah rahe hain ham
jis din se pattharon kaa iraada samajh liyaa

kuchh log ibtidaa-e-rifaaqat se qabl hi
aainda ke har ek guzishta tak aa gae

sab karishme taalluqaat ke hain
khaak uDti hai khaak-daan mein kyaa

jal thal kaa khvaab thaa ki kinaare Dubo gayaa
tanhaa kanval bhi jhiil se baahar nikal paDaa

khushk patton mein kisi yaad kaa shoala hai 'said'
main bujhaataa huun magar aag bhaDak jaati hai

iid par masrur hain donon miyaan biivi bahut
ik kharidaari se pahle ik kharidaari ke baad

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

muddaton baa'd kabhi ai nazar aane vaale
iid kaa chaand na dekhaa tiri surat dekhi

ek neamat tire mahjur ke haath aai hai
iid kaa chaand charaagh-e-shab-e-tanhaai hai

naujavaani ki diid kar liije
apne mausam ki iid kar liije

mil ke hoti thi kabhi eid bhi divaali bhi
ab ye haalat hai ki Dar Dar ke gale milte hain