main talkhi-e-hayaat se ghabraa ke pi gayaa — Saghar Siddiqui

ab shahr-e-aarzu mein vo raanaaiyaan kahaan
hain gul-kade niDhaal baDi tez dhuup hai

kal jinhein chhu nahin sakti thi farishton ki nazar
aaj vo raunaq-e-baazaar nazar aate hain

charaagh-e-tur jalaao baDaa andheraa hai
zaraa naqaab uThaao baDaa andheraa hai

log kahte hain raat biit chuki
mujh ko samjhaao! main sharaabi huun

ye zulf-bar-dosh kaun aayaa ye kis ki aahaT se gul khile hain
mahak rahi hai fazaa-e-hasti tamaam aalam bahaar saa hai

teri surat jo ittifaaq se ham
bhuul jaaein to kyaa tamaashaa ho

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

raat ik ujDe makaan par jaa ke jab aavaaz di
guunj uTThe baam-o-dar meri sadaa ke saamne

dard-e-dil kyun-ki kahun main us se
har taraf log ghire baiThe hain

khaDaa huun zer-e-falak gumbad-e-sadaa mein 'munir'
ki jaise haath uThaa ho koi duaa ke liye