tilism toD diyaa ik sharir bachche ne — Sarfraz Danish

gham kaa suraj to Dubtaa hi nahin
dhuup hi dhuup hai kidhar jaaein

shahr bhar ke aainon par khaak Daali jaaegi
aaj phir sachchaai ki surat chhupaa li jaaegi

raat ki sarhad yaqinan aa gai
jism se saayaa judaa hone lagaa

chand lamhe ko tu khvaabon mein bhi aa kar jhaank le
zindagi tujh se mile kitne zamaane ho gae

ham apne jalte hue ghar ko kaise ro lete
hamaare chaaron taraf ek hi nazaaraa thaa

hamaaraa sher bhi lauh-e-tilism hai shaayad
har ek rukh se hamein be-naqaab kartaa hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

cigarette se jaa ke duur giraa khaak ho gayaa
aaya sharar ki shakl mein soz-e-nihaan kaa dard

duur tak ek khalaa hai so khalaa ke andar
sirf tanhaai ki surat hi nazar aaegi

ham kis ko dikhaate shab-e-furqat ki udaasi
sab khvaab mein the raat ko bedaar hamin the