jaane vaale ko chale jaanaa hai — Sarwat Zehra

khvaab aur tamannaa kaa kyaa hisaab rakhnaa hai
khvaahishein hain sadiyon ki umr to zaraa si hai

dil ke dariyaa ne kinaaron se mohabbat kar li
tez bahtaa hai magar kam nahin hone paataa

kahaan pe khologe dard apnaa kise kahoge
kahin chhupaao, ye haal le kar kahaan chale ho

kaise bujhaaein kaun bujhaae bujhe bhi kyuun
is aag ko to khuun mein hal kar diyaa gayaa

ab to sanvaarne ke liye hijr bhi nahin
saaraa vabaal le ke ghazal kar diyaa gayaa

bint-e-havvaa huun main ye miraa jurm hai
aur phir shaaeri to kaDaa jurm hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

is paraae shahr mein ai kaash koi ye kahe
raat kaa khaanaa hamaare saath khaanaa hai tumhein

apne gham ki fikr na ki is duniyaa ki gham-khvaari mein
barson ham ne dast-e-junun se kaam liyaa daanaai kaa

us ne ikhlaas ke maare hue divaane ko
ek aavaara o badnaam saa shaaer jaanaa

taaaqub mein hai mere yaad kis ki
main kis ko bhuul jaanaa chaahtaa huun