dil dekhte hi us ko giraftaar ho gayaa — Shaikh Zahuruddin Hatim

ai khizaan bhaag jaa chaman se shitaab
varna fauj-e-bahaar aave hai

kabhu bimaar sun kar vo ayaadat ko to aataa thaa
hamein apne bhale hone se vo aazaar behtar thaa

phaDkun to sar phaTe hai na phaDkun to ji ghaTe
tang is qadar diyaa mujhe sayyaad ne qafas

bul-havas go karein tere lab-e-shirin par hujum
talkh mat ho ki miThaai se magas aati hai

meraa maashuq hai mazon mein bharaa
kabhu miThaa kabhu salonaa hai

sau baar taar taar kiyaa to bhi ab talak
saabit vahi hai dast o garebaan ki dosti

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil bhalaa aashiqon ke paas kahaan
aap hi chin-chaan lete hain

aaine se mujh dal ke tahayyur ko milaa dekh
ye donon baraabar hain koi besh na kam hai

dil ki udaasiyon kaa koi sabab nahin hai
bas ye sabab hai mere dil ki udaasiyon kaa

tire intizaar mein is tarah miraa ahad-e-shauq guzar gayaa
sar-e-shaam jaise bisaat-e-dil koi khasta-haal sameT le