saahibaan-e-qasr ko milti nahin hai baad-e-marg — Shaikh Zahuruddin Hatim

ai khizaan bhaag jaa chaman se shitaab
varna fauj-e-bahaar aave hai

kabhu bimaar sun kar vo ayaadat ko to aataa thaa
hamein apne bhale hone se vo aazaar behtar thaa

phaDkun to sar phaTe hai na phaDkun to ji ghaTe
tang is qadar diyaa mujhe sayyaad ne qafas

bul-havas go karein tere lab-e-shirin par hujum
talkh mat ho ki miThaai se magas aati hai

meraa maashuq hai mazon mein bharaa
kabhu miThaa kabhu salonaa hai

sau baar taar taar kiyaa to bhi ab talak
saabit vahi hai dast o garebaan ki dosti

umr-bhar jis ke liye aankhein rahi hain farsh-e-raah
vo ajal kaa qaasid-e-farkhanda-gaam aa hi gayaa

kisi ke ek ishaare mein kis ko kyaa na milaa
bashar ko ziist mili maut ko bahaana milaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

udaas aankhon se aansu nahin nikalte hain
ye motiyon ki tarah sipiyon mein palte hain

aae the kyuun adam se kyaa kar chale jahaan mein
ye marg-o-zist donon aapas mein hastiyaan hain

gharib ko havas-e-zindagi nahin hoti
bas itnaa hai ki vo izzat se marnaa chaahtaa hai