koi schōl ki ghanTi bajaa de — Shakeel Jamali

abhi raushan huaa jaataa hai rasta
vo dekho ek aurat aa rahi hai

jhuuT mein shak ki kam gunjaaish ho sakti hai
sach ko jab chaaho jhuThlaayaa jaa saktaa hai

main ne haathon se bujhaai hai dahakti hui aag
apne bachche ke khilaune ko bachaane ke liye

shadid garmi mein kaise nikle vo phul-chehra
so apne raste mein dhuup divaar ho rahi hai

tumhaare baa'd baDaa farq aa gayaa ham mein
tumhaare baa'd kisi pe khafaa nahin hue ham

umr kaa ek aur saal gayaa
vaqt phir ham pe khaak Daal gayaa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

sitam hai sitam kaaba-e-dil kaa Dhaanaa
ye kyaa kar rahe ho ye kyaa ho rahaa hai

haath pistaan pe ghair kaa pahunchaa
aap bhi ab hue anaar-farosh

mujh ko paanaa hai to phir mujh mein utar kar dekho
yuun kinaare se samundar nahin dekhaa jaataa