safar hi bas kaar-e-zindagi hai — Taleef Haidar

ye shahr apni isi haav-hu se zinda hai
tumhaari aur miri guftugu se zinda hai

ye teraa divaana raat gae maalum nahin kyuun pahron tak
aansu ki lakiron se kitne naqsh-e-jazbaat banaae hai

use kahaan hamein qaidi banaa ke rakhnaa thaa
hamin ko shauq nahin thaa kabhi rihaai kaa

bahut mushkil thaa mujh ko raah kaa hamvaar kar denaa
to main ne tai kiyaa is dasht ko divaar kar denaa

aksar mire sheron ki sanaa karte rahe hain
vo log jo ghaalib ke taraf-daar nahin hain

vo ek lamha jise tum ne mukhtasar jaanaa
ham aaise lamhe mein ik daastaan banaate hain

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

kyaa musibat hai zindagi yaani
mujh ko jiinaa paDegaa marne tak

lagaayaa hai dil bhi to patthar se main ne
miri zindagi ki yahi ik khataa hai

kis ghalat-fahmi mein apni umr saari kaT gai
ik vafaa-naa-aashnaa ko baa-vafaa samjhaa thaa main