dhokaa khaane pe ro paDaa hogaa — Tauheed Zeb

apni tasvir chuum li us ne
phuul par phuul khil gayaa jaise

ek hi din milaa mohabbat ko
saal bhar ki thakan utaari gai

daftar-e-husn khole baiThe hain
'aashiqi rozgaar hai un kaa

kyaa huaa husn-e-jaavedaan ko tire
tu to mujh se bichhaD ke khush thi bahut

rumuz-e-vaqt ki pahli class mein bhi miraa
tamaam dhyaan thaa sarkaari naukri ki taraf

'umr guzri magar mohabbat mein
ek lamha bhi yaadgaar nahin

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

mohabbat phuul banne par lagi thi
palaT kar phir kali kar li hai main ne

tazkira soz-e-mohabbat kaa kiyaa thaa ik baar
taa-dam-e-marg zabaan se miri chhaale na gae

ishq ki choT kaa kuchh dil pe asar ho to sahi
dard kam ho yaa ziyaada ho magar ho to sahi

tamaam vahm o gumaan hai to ham bhi dhoka hain
isi khayaal se duniyaa ko main ne pyaar kiyaa