chhoD aayaa huun pichhe sab aavaazon ko — Zakariya Shaz

kuchh bhi dekhaa nahin thaa main ne jab
har nazaara thaa meri aankhon mein

ai gardish-e-ayyaam hamein ranj bahut hai
kuchh khvaab the aaise ki bikharne ke nahin the

taalluq hi nahin hai jin se meraa
main un khadshaat mein rakkhaa huaa huun

dukh na sahne ki sazaaon mein ghiraa rahtaa hai
shahr kaa shahr duaaon mein ghiraa rahtaa hai

ye alag baat ki chalte rahe sab se aage
varna dekhaa hi nahin teri talab se aage

jab bhi ghar ke andar dekhne lagtaa huun
khiDki khol ke baahar dekhne lagtaa huun

main baDaa ho gayaa huun magar bachpanaa
mere dil se kabhi bhi gayaa hi nahin

chaman se kaun chalaa hai khamoshiyaan le kar
kali kali taDap uTThi hai siskiyaan le kar

apni aankhon kaa samundar bah ke to khaamosh hai
dil ke andar ki sulagti aag ko ham kyaa karein

khamoshi meri lai mein gungunaanaa chaahti hai
kisi se baat karne kaa bahaanaa chaahti hai

so yuun huaa ki lagaa qufl nutq-o-lab pe mire
main tum se mil ke bahut der tak rahaa khaamosh

bahut dubli bahut patli hayaati hoti jaati hai
chapaati rafta rafta kaaghzaati hoti jaati hai