ab to ye shaayad kisi bhi kaam aa saktaa nahin — Zeeshan Sahil

aayaa thaa mere paas vo kuchh der ke liye
suraj magar gahan mein bahut der tak rahaa

main zindagi ke sabhi gham bhulaae baiThaa huun
tumhaare ishq se kitni mujhe sahulat hai

bas ek rang hai dil mein kisi ke hone se
ab apne-aap ko is se bhi saada kyaa karnaa

havaa bahaar ki aaegi aur main chumungaa
vo saare phuul ki jin mein tiri shabaahat hai

kis qadar mahdud kar detaa hai gham insaan ko
khatm kar detaa hai har ummid har imkaan ko

khiDki ke raste se laayaa kartaa huun
main baahar ki duniyaa khaali kamre mein

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

apni ammi ko mohabbat se jo dekhaa main ne
puuri jannat miri aankhon mein simaT aai hai

mausam hain do hi ishq ke surat koi bhi ho
hain us ke paas aaine hijr-o-visaal ke

dil ek sadiyon puraanaa udaas mandir hai
umiid tarsaa huaa pyaar dev-daasi kaa

ishq tu ne baDaa nuqsaan kiyaa hai meraa
main to us shakhs se nafrat bhi nahin kar saktaa