balaa-e-jaan hai samar bad-havaas hone kaa — Mohammad Sharfuddin Sahil

"soch apni badal rahaa huun main kaf-e-afsos mal rahaa huun main jo masarrat ko maat deti hai fikr mein aisi Dhal rahaa huun main zulmat-e-shab mein raushni ke liye shama ki tarah jal rahaa huun main misl-e-gul khush-nasib huun kitnaa biich kaanTon ke pal rahaa huun main aatish-e-gham lagi hai siine mein mom jaisaa pighal rahaa huun main zulm par ehtijaaj laazim hai khuun munh se ugal rahaa huun main ye bhi kaar-e-jihaad hai 'saahil' harf-e-haq par aTal rahaa huun main"

"dete hain jis ko khun-e-jigar kam bahut hi kam aate hain us shajar pe samar kam bahut hi kam baaqi hain ab bhi dil pe mire zakhm-e-haadsaat ehsaas-e-dard to hai magar kam bahut hi kam ye munhasir hai kasb-e-halaal-o-haraam par hotaa hai ab duaa mein asar kam bahut hi kam vaaiz ki guftugu mein jo daam-e-fareb hai paate hain us se log mafar kam bahut hi kam ghavvaas-e-bahr-e-ilm hain girdaab-e-hirs mein baazaar mein hain laal-o-gohar kam bahut hi kam ehsaas jin ke dil mein ho karb-e-yatim kaa is ahd mein hain aise bashar kam bahut hi kam 'saahil' jo mil gayaa hai to kuchh qadr kijiye is tarah ke hain ahl-e-hunar kam bahut hi kam"

"baais-e-raahat-e-dil meraa muqaddar niklaa jis ko samjhaa thaa bayaabaan vo miraa ghar niklaa husn-e-maasum ki taqdis ko rusvaa na kiyaa jitnaa ilzaam hai khush huun ki mire sar niklaa hai sabab ru-e-munavvar miri barbaadi kaa haath aayaa thaa jo yaaqut vo patthar niklaa dars lo himmat-e-aali se miri divaano main vo daaman huun jo kaanTon se ulajh kar niklaa luT gayaa manzil-e-maqsad pe pahunch kar afsos rahnumaa jis ko main samjhaa thaa sitamgar niklaa zulmat-e-shab hui kaafur yakaayak 'saahil' matlaa-e-subh se jab mehr-e-munavvar niklaa"

"mausam-e-hijr ki dil-soz nishaani degaa ishq kaa dard hi unvaan-e-kahaani degaa sang-e-be-maaya hai shak aur yaqin hai gauhar vaqt-e-taqrir yahi shola-bayaani degaa khul na jaae kahin maktub se raaz-e-pinhaan jab vo degaa koi paighaam zabaani degaa nafs-e-ammaara ko quvvat se kuchal de apni varna taklif tujhe ahd-e-javaani degaa siikh le us ko baratne kaa saliqa 'saahil' lafz be-jaan sahi husn-e-maaani degaa"

"dafatan ho gai gul sham-e-vafaa tere baad khaana-e-dil mein ujaalaa na huaa tere baad mausam-e-josh-e-junun mein huaa paamaal chaman le uDi khushbu-e-gul baad-e-sabaa tere baad jaam-e-mai shola-e-javvaala nazar aataa hai aag barsaati hai saavan ki ghaTaa tere baad baatini karb-o-aziyyat main bataaun kis ko koi hamraaz mujhe mil na sakaa tere baad jab bhi suljhaana hon pechida masaail mujh ko chumtaa huun tire naqsh-e-kaf-e-paa tere baad dil mein rah rah ke mire roz chubhaa karti hai khaar ban ke tiri har tarz-e-adaa tere baad maut dar-asl hai tamhid-e-hayaat-e-daaim raaz-e-hasti yahi 'saahil' pe khulaa tere baad"

"jabin-e-dil pe nadaamat kaa daagh rahtaa hai falak pe us kaa hamesha dimaagh rahtaa hai gul-o-samar se ladaa hai har ik shajar lekin gayaa hai kaun ki maghmum baagh rahtaa hai taras rahaa hai ujaale ko khuun se jis ke hasin qasr mein raushan charaagh rahtaa hai anaa ke khol se baahar kabhi nahin aataa vo jis kaa ilm se khaali ayaagh rahtaa hai jo kasb-e-rizq mein neamat kaa paa gayaa mafhum usi amiir kaa dil bhi faraagh rahtaa hai fareb-o-makr ki tashrih mat bataa mujh ko mire shajar ke nasheman mein zaagh rahtaa hai hai inkishaaf-e-haqiqat hi fitrat-e-'saahil' ajiib shakhs hai mahv-e-suraagh rahtaa hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"