bhiiD bahut thi thoDi nain — Gourav Kumar

"main dukh se pareshaan samajhtaa thaa ulfat nai chiiz hai magar tajrabe ne bataayaa ye bilkul vahi chiiz hai achaanak tire lams ne zindagi hi badal di meri mujhe to bataayaa gayaa thaa mohabbat buri chiiz hai to main kyon na gham ko nai har khushi se bachaataa phirun ye teri taraf se mujhe di gai aakhiri chiiz hai miri jaan tiraa vaar hans kar sahaa par pata hai tujhe ye khanjar mire dil mein utri hui dusri chiiz hai"

"ras un aankhon ke paas hotaa hai dil to khaali gilaas hotaa hai tu to itnaa hasin hai ai dost tu bhi itnaa udaas hotaa hai ab hayaa ko bhi oDh kar dekho ye bhi achchhaa libaas hotaa hai ai mujhe duur bhejne vaale koi itnaa bhi paas hotaa hai jaise ye pahli khud-kushi ho miri tu to aise udaas hotaa hai yuun hi main chaunktaa nahin yak-dam koi to aas-paas hotaa hai"

"phir miraa duniyaa mein ji lagne lage kaash vo mujh ko buri lagne lage ho agarche 'aam saa jumla koi vo kahe to shaa'iri lagne lage vaqt rahte tark kar denaa use jo mohabbat aakhiri lagne lage chaar-su bas dushmanon ki bhiiD ho ek surat aap ki lagne lage muddaton se saath chaltaa ho koi phir achaanak ajnabi lagne lage apne jaisaa ho na koi muntazir jo bhi shai dekhun ghaDi lagne lage"

"pichhe pichhe sab parinde sab shajar aane lage jab divaane lauT kar jangal se ghar aane lage raushni itni mujhe tu bakhsh denaa ai khudaa jab main aankhein band kar luun tu nazar aane lage roz T v on karte hain ki jaane kyaa pata kab tumhaare shahr ki koi khabar aane lage raqs-e-vahshat bevafaai jhuuT dhokaa shaa'iri 'ishq ne aisaa sikhaayaa sab hunar aane lage main to us jaate hue ko rokne dauDaa hi thaa pichhe pichhe khauf mein divaar-o-dar aane lage"

"raat gham yaadon ke saae aap ke sab chale aae sivaae aap ke dil makaan rahne ko achchhaa thaa magar roz baDhte the kiraae aap ke ab samajh aaya judaa hote samay khud ko bhejaa thaa bajaae aap ke be-sabab hi sar pe le li ye balaa ho gae baiThe-biThaae aap ke ek din vaqt aa gayaa ham par buraa aur phir khat bhi na aae aap ke khud bikharte bhi rahe ham raat-bhar zulf-o-‘aariz bhi sajaae aap ke"

"baDh gai vahshat 'ibaadat kam hui har khushi teri badaulat kam hui us ne bhi muD kar vahi dhokaa diyaa ham ko bhi is baar hairat kam hui kar liyaa ik jurm pahle se baDaa ab kahin meri nadaamat kam hui dauDte rahne se kuchh badlaa nahin thak ke Thahre to masaafat kam hui ghair se lipTaa rahaa main der tak tab kahin teri zarurat kam hui"

"log kahte hain ki qaatil ko masihaa kahiye kaise mumkin hai andheron ko ujaalaa kahiye chehre paDhnaa to sabhi siikh gae hain lekin kaisi tahzib hai apnon ko paraayaa kahiye jaane pahchaane hue chehre nazar aate hain vaqt qaatil hai yahaan kis ko masihaa kahiye aap jis peD ke saae mein khaDe hain is ko sehn-e-gulshan nahin jaltaa huaa sahraa kahiye sab ke chehron pe hain akhlaaq-o-muravvat ke naqaab kis ko apnaa yahaan aur kis ko paraayaa kahiye shab ke maathe pe koi saaya numudaar huaa us ko ab pyaar ke aangan kaa saveraa kahiye zahr-e-tanhaai-e-gham pi ke mohabbat mein 'khayaal' kis tarah maut ko jiine kaa sahaaraa kahiye"

"aap ki jab se mehrbaani hai dil ke har zakhm par javaani hai aap se duur rah ke zinda hain ye bhi kyaa koi zindagaani hai baad muddat ke us ko dekhaa hai jo mohabbat kaa meri baani hai puchhte kyaa ho mere dil kaa haal is ki to lambi ik kahaani hai saath jiinaa hai saath marnaa hai ye qasam aap ko bhi khaani hai jis ki khaatir ye ho gai hai ghazal vo khayaalon ki mere raani hai khauf mein us ke ham nahin rahte maut to ek roz aani hai kitnaa be-dard ho gayaa vo 'salim' duur rahne ki jis ne Thaani hai"

"khushk us ki zaat kaa saaton samundar ho gayaa dhuup kuchh aisi paDi vo shakhs banjar ho gayaa aangan aangan zahr barsaaegi us ki chaandni vo agar mahtaab ki surat ujaagar ho gayaa mere aadhe jism ki us ko lagegi bad-du'aa kal khabar aa jaaegi vo shakhs patthar ho gayaa kis ne apne haath se khud maut kaa katba likhaa kaun apni qabr par 'ibrat kaa patthar ho gayaa qurb jab had se baDhaa duuri muqaddar ho gai us kaa milnaa bhi na milne ke baraabar ho gayaa main ki baahar ki fazaa mein qaid thaa jis ke sabab aaj vo khud jins ke pinjre ke andar ho gayaa muft mein taqsim ki 'saajid' mataa-e-shaaeri jis ne apnaa qurb apnaayaa vo shaa'ir ho gayaa"

"daar tak mujh ko khinch laane par harf to aaegaa zamaane par kis Thikaane pe aaj pahunchaa huun aaj pahunchaa huun kis Thikaane par dil ne majbur kar diyaa hogaa aap aae hain kab bulaane par maut hairaan thi dekh kar mujh ko zindagi thi mujhe bachaane par hashr barpaa hai meri aankhon mein vo tulaa hai mujhe sulaane par phir se nikli hai surat-e-taamir ek takhrib ke dahaane par main to mauquf ho chukaa 'iqraar' kurra-e-arz ko ghumaane par"

"kisi khaas tak na pahunche kisi 'aam tak na pahunche jo hain ranjishein hamaari vo avaam tak na pahunche tiri duriyaan salaamat tujhe chaahtaa rahun main mujhe maut aae tujh ko ye payaam tak na pahunche tire haath mein qalam hai to vo likh jo haq hai 'ahmad' vo na baat likh tu 'ahmad' jo nizaam tak na pahunche"

"yaad aa ke tiri hijr mein samjhaaegi kis ko dil hi nahin siine mein to bahlaaegi kis ko dam khinchtaa hai kyuun aaj ye rag rag se hamaaraa kyaa jaane idhar dil ki kashish laaegi kis ko uThne hi nahin deti hai jab yaas biThaa kar phir shauq ki himmat kahin le jaaegi kis ko jab maar hi Daalaa hamein be-taabi-e-dil ne karvaT shab-e-furqat mein badalvaaegi kis ko mar jaaeinge be-maut gham-e-hijr ke maare aaegi to ab zinda ajal paaegi kis ko achchhaa rahe tasvir kisi ki mire dil par kam-bakht na Thahregaa to Thahraaegi kis ko kuchh baiTh gayaa dil hi yahaan baiTh ke apnaa ghairat tiri mahfil se ab uThvaaegi kis ko is vaada-khilaafi ne agar jaan hi le li phir jhuTi tasalli tiri taDpaaegi kis ko kyuun leinge 'jalaal' aa ke mire dil mein vo chuTki jhapkegi palak kaahe ko niind aaegi kis ko"