laazmi to nahin vali ho jaae — Aijaz Asad

"yaar tujh ko miraa khayaal to hai ishq mein itni dekh-bhaal to hai gham nahin gar khushi nahin haasil furqat-e-dost kaa malaal to hai tujh pe guzri hai kyaa khabar hai mujhe tere jaisaa hi meraa haal to hai meraa haami jahaan nahin to kyaa shukr hai rabb-e-zul-jalaal to hai hai agar zoam-e-bartari tum ko ye bhi ik surat-e-zavaal to hai mere pahlu mein tu nahin na sahi mere shaane pe teri shaal to hai zindagi mein yahi tamannaa thi dam-e-aakhir tiraa visaal to hai us ki tamsil hi nahin hai 'asad' meraa mahbub be-misaal to hai"

"kisi ghar kaa bahut nuqsaan hotaa hai to daulat-mand kaa saamaan hotaa hai darun-e-dil agar imaan hotaa hai to phir jiinaa baDaa aasaan hotaa hai hatheli par jo sar rakkhe laDaai mein usi ki jiit kaa imkaan hotaa hai badan kaa bojh ham Dhote hi rahte hain marein to ghair kaa ehsaan hotaa hai pate ki baat kah saktaa hai vo paagal koi hushiyaar bhi anjaan hotaa hai gharibi haath par rakhti hai khaane ko amiron kaa hi dastar-khvaan hotaa hai 'asad' aa jaa ki ham ko chain aa jaae ye ghar tere binaa sunsaan hotaa hai"

"gham-e-vafaa ko pas-e-pusht Daalnaa hogaa khaTak rahaa hai jo kaanTaa nikaalnaa hogaa faqir-e-ishq huun kuchh de ke Taalnaa hogaa bas ik nigaah kaa sikka uchhaalnaa hogaa savaal dosto azmat kaa hai saron kaa nahin hamein vaqaar kaa parcham sambhaalnaa hogaa ghazab ki pyaas lagi saamnaa saraab kaa hai so reg-e-sahraa se paani nikaalnaa hogaa use bataao ki faaqa hai aaj apnaa bhi magar faqir ko izzat se Taalnaa hogaa ye intizaar salaamat rahe vo aaegaa magar hai shart ki dil ko sambhaalnaa hogaa tumhaare dil ki zamin jal chuki magar 'aijaaz' isi se nakhl-e-mohabbat nikaalnaa hogaa"

"duniyaa mein kise aag lagaani nahin aati afsos magar sab ko bujhaani nahin aati taa-hadd-e-nazar dasht hai kyuun baiThe hue ho lagtaa hai tumhein khaak uDaani nahin aati vo shokh hai baaton mein lagaa rahtaa hai aksar suntaa huun mujhe baat banaani nahin aati bistar ki zarurat hi nahin niind ko pyaare kyaa jism ki chaadar hi bichhaani nahin aati bujhti hi nahin aag lagi hai jo jigar mein lekin mire ashkon mein ravaani nahin aati khushbu se mahakti hi nahin raat hamaari khvaabon mein agar raat ki raani nahin aati naadaan miri mez ke shishe pe gire hain ashkon ko bhi tasvir banaani nahin aati main khud bhi khilaunon kaa taraf-daar rahungaa jab tak mire bachchon pe javaani nahin aati main sirf haqiqat hi bayaan kartaa huun 'aijaaz' afsaana nahin aataa kahaani nahin aati"

"gulon pe shabnam nahin lahu hai ye kaisi saughaat-e-rang-o-bu hai bahaar khanjar-ba-dast aai har ek manzar lahu lahu hai koi tamannaa nahin hai mujh ko sukun-e-dil ki hi aarzu hai main ik muddat se laapata huun mujhe khud apni hi justuju hai ye be-dili ki namaaz teri gumaan hotaa hai be-vuzu hai is ko aksar main sochtaa huun miri ghazal ki jo aabru hai miraa nahin hai 'asad' ye chehra to kaun shishe mein ru-ba-ru hai"

"mire zehn-o-dil par jo chhaayaa huaa hai mujhe us ne yaksar bhulaayaa huaa hai har ik naqsh-e-duniyaa miTaayaa huaa hai use main ne dil mein basaayaa huaa hai bahut duur mahsus hotaa hai mujh ko gale jis ko main ne lagaayaa huaa hai mujhe khauf hai silvaTein paD na jaaein badan us ne apnaa bichhaayaa huaa hai tumhein DhunDne se nahin milne vaalaa nishaan apnaa main ne miTaayaa huaa hai bhaTakte hain sahraa mein kitne musaafir har ik naqsh-e-paa kaa safaayaa huaa hai yahi jaa-nashin hai miri mumlikat kaa baghal mein jo bachcha sulaayaa huaa hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"jab tak mizaaj-e-dost mein kuchh barhami rahi goyaa bujhi bujhi si miri zindagi rahi jis par nigaah-e-lutf-e-karam aap ki rahi hairat se har nigaah use dekhti rahi go main rahaa kashaakash-e-dauraan se ham-kanaar lekin mire labon pe hansi khelti rahi laayaa hai ishq ne mujhe aise maqaam par khud-aagahi rahi na khudaa-aagahi rahi josh-e-junun ne manzil-e-maqsud paa liyaa aql-e-salim dekhti hi dekhti rahi sab kuchh mujhe 'khayaal' ki duniyaa mein mil gayaa lekin tumhaare husn-e-nazar ki kami rahi"

"aaina toD de rihaa kar de bevafaa ik yahi vafaa kar de rishta-e-dard toD de dil se rang ko phuul se judaa kar de zindagi-bhar tujhi ko chaahaa hai qarz kuchh to miraa adaa kar de de rahaa hai zakaat-e-husn agar mire haq se zaraa baDhaa kar de muddatein ho gaiin tujhe dekhe ab to milne kaa silsila kar de phir koi gul khile sar-e-mizhgaan phir dar-e-khvaab koi vaa kar de ik sitaare ko bakhsh kar mire khvaab phir use meraa aaina kar de baiThtaa jaa rahaa hai jaan kaa ghubaar ab use mujh se maavaraa kar de ai faqir-e-dayaar-e-laili-jaan mire haq mein bhi kuchh duaa kar de"