naam ki apne maalaa japne do — Abu Leveeza Ali

"kisi kaa khat hai yaa ye ghazal hai ye kaisaa parcha paDaa huaa hai gulaal se lab bane hain is mein kitaab chehra banaa huaa hai nigaah us ki hai jhiil jaisi kamaan jaisi bhavon ke niche to surkh honTon ke ek jaanib bhi til kaa pahra lagaa huaa hai haan sabz qindil jal rahi hai balaa ki surkhi ubal rahi hai adaa se palkein jhuki huiin hain hayaa kaa aanchal paDaa huaa hai lo ab hamaari saqil aankhein qadim raston pe chal paDi hain vafaa ke khanDar se kuchh pare hi hamaaraa malba paDaa huaa hai safed baalon ke pichhe apni javaan umri ke pal nahin hain hai ahd-e-tifli kaa ek buDhaa jo laDkhaDaataa khaDaa huaa hai bahut hasin hai ye sachchaa moti jo rang se is ke munsalik hai magar use ye khabar nahin hai hamaaraa aansu juDaa huaa hai hai chaap us ki hamaari dhaDkan jo dil mein dhak dhak lagi hui hai firaaq us kaa visaal hi hai vo ban ke dhaDkaa lagaa huaa hai bahut sanvaaraa musavviron ne bahut se Daale hain rang is mein magar ye surat hai meri surat so rang is kaa uDaa huaa hai"

"palaT jaanaa koi mushkil nahin thaa miraa hi vaapsi kaa dil nahin thaa mataa-e-zist laa-haasil nahin thaa vale paane ke main qaabil nahin thaa vo chhuriyaan dhaar jis par ho rahin thiin miraa hi dil thaa koi sil nahin thaa khulaa baab-e-junun jab mujh pe yaaro miraa tab koi mustaqbil nahin thaa mariz-e-ishq hone tak sunaa hai adhuri zaat thaa kaamil nahin thaa mujhe gharqaab thaa az had zaruri vagarna ziist ke qaabil nahin thaa main pyaasaa thaa magar honTon se mahrum samundar thaa magar saahil nahin thaa na do ilzaam bhaunre ko 'ali' tum vo hargiz phuul kaa qaatil nahin thaa"

"aql thi aagahi ne maar diyaa diid ko raushni ne maar diyaa ek bekas thaa jis ke khvaabon ko us ki be-chaargi ne maar diyaa ham ne chaahaa ki baat ban jaae ziist ki be-rukhi ne maar diyaa dekh kar paani mar gayaa pyaasaa us ko sachchi khushi ne maar diyaa thaa jo apnaa banaa vo an-jaanaa phir usi ajnabi ne maar diyaa kyaa taajjub ki koi baat nahin aadmi aadmi ne maar diyaa"

"shikast-e-khurdgi ke baad hausla nahin huaa jo chukaa pahlaa vaar hi to dusraa nahin huaa kahaa huaa sunaa huaa likhaa huaa nahin huaa hamaare haq mein to koi bhi faisla nahin huaa qadam saqil ho gae tavil raah ho gai malaal thaa kamaal par visaal thaa nahin huaa sukut-e-lab kaa vo sabab hain siskiyaan vo hichkiyaan nigaah-e-ishq se faro vo haadisa nahin huaa tamaam dil ke paarche bikhar chuke zamin par hisaab rakhne vaale kaa muhaasba nahin huaa palaT gae tamaash-bin gai vo shoabada-gari thi gung vo zabaan jab kahaa huaa nahin huaa hui buland ik sadaa ki ab karo vo faisla nigaah-e-naaz-yaafta vo dusraa nahin huaa tumhaare naqsh-e-paa pe main jo chal rahaa huun der se main khatm ho rahaa to huun pa raasta nahin huaa"

"paanv jab mere aasmaan mein the us ghaDi aap hi dhyaan mein the jis ghaDi ham bahut the pur-ummid us ghaDi aap ke jahaan mein the usrat-e-zist ham gharibon par dhuup chhuTi to ham thakaan mein the sair divaar-o-dar ki ki ham ne aish thi raat ham makaan mein the yaad rahte to chuur ho jaate khvaab kyaa kyaa mare gumaan mein the yaad hai ham bhi kaar-aamad the tiir the aur tiri kamaan mein the kis qadar ho chali hai be-zaari dil mein bhi ham the ham to jaan mein the"

"aankh kaa ishaara hai ham pe aashkaaraa hai tir-e-nim-kash hai kab ye nazar to aaraa hai hai jo ishq kaa chakkar sar-ba-sar khasaara hai dard ki hukumat hai aur dukh sahaaraa hai ai miri mataa-e-jaan ham mein kyaa hamaaraa hai dil ko gham hain duniyaa ke aur dil tumhaaraa hai hijr do ghaDi kaa hi aag hai sharaara hai mujh mein ek dariyaa hai aur ik kinaara hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"