SHAWORDS

nazaara-e-rukh-e-saaqi se mujh ko masti hai — Goya Faqir Mohammad

Home›Goya Faqir Mohammad›Ghazal
"nazaara-e-rukh-e-saaqi se mujh ko masti hai ye aaftaab parasti bhi mai-parasti hai khudaa ko bhuul gayaa mahv-e-khud-parasti hai tu aur kaam mein hai maut tujh pe hasti hai na gul hain ab na vo saaqi na mai-parasti hai chaman mein meinh ke 'evaz be-kasi barasti hai ye mulk-e-husn bhi jaanaan 'ajib basti hai ki dil si chiiz yahaan kauDiyon se sasti hai mah-e-siyaam mein go mana-e-mai-parasti hai magar huun mast ki har roz faaqa-masti hai ye be-sabaat bahaar-e-riyaaz-e-hasti hai kali jo chaTki to hasti par apni hansti hai bas ek raat kaa mehmaan charaagh-e-hasti hai sirhaane roegi ab sham' gor hansti hai dilaa ye gor-e-gharibaan bhi zor basti hai bajaae abr yahaan be-kasi barasti hai gayaa jo yaan se tah-e-khaak vo kabhi na phiraa zamin ke niche bhi dilchasp koi basti hai nahaa ke baal nichoDe to yaar kahne lagaa ghaTaa siyaah isi tarah se barasti hai bas ek haath mein do TukDe kar diyaa ham ko hamaare yaar ki ik ye bhi tez-dasti hai kiyaa hai chaak garebaan subh-e-mahshar tak ye apne josh-e-junun ki daraaz-dasti hai hamein to qatl kiyaa bas isi nazaakat ne ki vo uThaati hain tegh aur nahin ukasti hai dikhaa ke phuul se chehre ko dil liyaa khush ho jo badle gul ke mile 'andalib sasti hai ab ek tauba pe aati hai maghfirat tire haath kharid kar ki nihaayat ye jins sasti hai dikhaae jis ne ye surat hamein dam-e-aakhir usi ko dekhne ko ruuh ab tarasti hai na TuuTi shisha-e-mai meri sang-e-marqad se pas az fanaa bhi mujhe paas-e-mai-parasti hai asiir kar ke hamein khush na hoiyo sayyaad ki tu bhi yaan to giraftaar-e-daam-e-hasti hai 'ajab nahin dam-e-isaa se bhi jo gul ho jaate ki sham-e-subh hamaaraa charaagh-e-hasti hai vo maangtaa hai miri jaan ru-numaai mein yahi jo mol hai to jins-e-husn sasti hai kiyaa hai us ne to yusuf kaa chaak daaman-e-paak na puchho 'ishq ki jo kuchh daraaz-dasti hai kahun main vahi hai saaqi vahi subu vahi jaam mudaam-e-baada-e-vahdat ki mujh ko masti hai 'alam hai tegh-e-do-dam taire sar jhukaae huun main tiri gali mein bhi zaalim bulandi pasti hai jo chaahe rahmat-e-haq 'ijz kar shi'aar apnaa ravaan udhar ko hai paani jidhar ko pasti hai safed ho gai mu-e-siyaah ghaflat chhoD hui hai subh koi dam charaagh hasti hai har ik javaan kaa qad kham huaa hai piiri se maaal-e-kaar bulandi jahaan mein pasti hai vo apni jumbish-e-abru dikhaa ke kahtaa hai ye vo hai tegh ishaaron hi se jo kasti hai che khush bavad ki bar aayad bek karishma do kaar sanam baghal mein hai dil mahv-e-haq-parasti hai hai khuub pahle se 'goyaa' karun main tark-e-sukhan ki ek dam mein ye khaamosh sham-e-hasti hai"
Urdu

نظارۂ رخ ساقی سے مجھ کو مستی ہے یہ آفتاب پرستی بھی مے پرستی ہے خدا کو بھول گیا محو خود پرستی ہے تو اور کام میں ہے موت تجھ پہ ہستی ہے نہ گل ہیں اب نہ وہ ساقی نہ مے پرستی ہے چمن میں مینہ کے عوض بے کسی برستی ہے یہ ملک حسن بھی جاناں عجیب بستی ہے کہ دل سی چیز یہاں کوڑیوں سے سستی ہے مہ صیام میں گو منع مے پرستی ہے مگر ہوں مست کہ ہر روز فاقہ مستی ہے یہ بے ثبات بہار ریاض ہستی ہے کلی جو چٹکی تو ہستی پر اپنی ہنستی ہے بس ایک رات کا مہمان چراغ ہستی ہے سرہانے روئے گی اب شمع گور ہنستی ہے دلا یہ گور غریباں بھی زور بستی ہے بجائے ابر یہاں بے کسی برستی ہے گیا جو یاں سے تہ خاک وہ کبھی نہ پھرا زمین کے نیچے بھی دلچسپ کوئی بستی ہے نہا کے بال نچوڑے تو یار کہنے لگا گھٹا سیاہ اسی طرح سے برستی ہے بس ایک ہاتھ میں دو ٹکڑے کر دیا ہم کو ہمارے یار کی اک یہ بھی تیز دستی ہے کیا ہے چاک گریبان صبح محشر تک یہ اپنے جوش جنوں کی دراز دستی ہے ہمیں تو قتل کیا بس اسی نزاکت نے کہ وہ اٹھاتی ہیں تیغ اور نہیں اکستی ہے دکھا کے پھول سے چہرے کو دل لیا خوش ہو جو بدلے گل کے ملے عندلیب سستی ہے اب ایک توبہ پہ آتی ہے مغفرت ترے ہاتھ خرید کر کہ نہایت یہ جنس سستی ہے دکھائے جس نے یہ صورت ہمیں دم آخر اسی کو دیکھنے کو روح اب ترستی ہے نہ ٹوٹی شیشۂ مے میری سنگ مرقد سے پس از فنا بھی مجھے پاس مے پرستی ہے اسیر کر کے ہمیں خوش نہ ہوئیو صیاد کہ تو بھی یاں تو گرفتار دام ہستی ہے عجب نہیں دم عیسیٰ سے بھی جو گل ہو جاتے کہ شمع صبح ہمارا چراغ ہستی ہے وہ مانگتا ہے مری جان رونمائی میں یہی جو مول ہے تو جنس حسن سستی ہے کیا ہے اس نے تو یوسف کا چاک دامن پاک نہ پوچھو عشق کی جو کچھ دراز دستی ہے کہوں میں وہی ہے ساقی وہی سبو وہی جام مدام بادۂ وحدت کی مجھ کو مستی ہے علم ہے تیغ دو دم تیرے سر جھکائے ہوں میں تری گلی میں بھی ظالم بلندی پستی ہے جو چاہے رحمت حق عجز کر شعار اپنا رواں ادھر کو ہے پانی جدھر کو پستی ہے سفید ہو گئی موئے سیاہ غفلت چھوڑ ہوئی ہے صبح کوئی دم چراغ ہستی ہے ہر اک جوان کا قد خم ہوا ہے پیری سے مآل کار بلندی جہاں میں پستی ہے وہ اپنی جنبش ابرو دکھا کے کہتا ہے یہ وہ ہے تیغ اشاروں ہی سے جو کستی ہے چہ خوش بود کہ بر آید بیک کرشمہ دو کار صنم بغل میں ہے دل محو حق پرستی ہے ہے خوب پہلے سے گویاؔ کروں میں ترک سخن کہ ایک دم میں یہ خاموش شمع ہستی ہے

Hindi

नज़ारा-ए-रुख़-ए-साक़ी से मुझ को मस्ती है ये आफ़्ताब परस्ती भी मय-परस्ती है ख़ुदा को भूल गया महव-ए-ख़ुद-परस्ती है तू और काम में है मौत तुझ पे हस्ती है न गुल हैं अब न वो साक़ी न मय-परस्ती है चमन में मेंह के 'एवज़ बे-कसी बरसती है ये मुल्क-ए-हुस्न भी जानाँ 'अजीब बस्ती है कि दिल सी चीज़ यहाँ कौड़ियों से सस्ती है मह-ए-सियाम में गो मनअ-ए-मय-परस्ती है मगर हूँ मस्त कि हर रोज़ फ़ाक़ा-मस्ती है ये बे-सबात बहार-ए-रियाज़-ए-हस्ती है कली जो चटकी तो हस्ती पर अपनी हँसती है बस एक रात का मेहमान चराग़-ए-हस्ती है सिरहाने रोएगी अब शम' गोर हँसती है दिला ये गोर-ए-ग़रीबाँ भी ज़ोर बस्ती है बजाए अब्र यहाँ बे-कसी बरसती है गया जो याँ से तह-ए-ख़ाक वो कभी न फिरा ज़मीन के नीचे भी दिलचस्प कोई बस्ती है नहा के बाल निचोड़े तो यार कहने लगा घटा सियाह इसी तरह से बरसती है बस एक हाथ में दो टुकड़े कर दिया हम को हमारे यार की इक ये भी तेज़-दस्ती है किया है चाक गरेबान सुब्ह-ए-महशर तक ये अपने जोश-ए-जुनूँ की दराज़-दस्ती है हमें तो क़त्ल किया बस इसी नज़ाकत ने कि वो उठाती हैं तेग़ और नहीं उकसती है दिखा के फूल से चेहरे को दिल लिया ख़ुश हो जो बदले गुल के मिले 'अंदलीब सस्ती है अब एक तौबा पे आती है मग़्फ़िरत तिरे हाथ ख़रीद कर कि निहायत ये जिंस सस्ती है दिखाए जिस ने ये सूरत हमें दम-ए-आख़िर उसी को देखने को रूह अब तरसती है न टूटी शीशा-ए-मय मेरी संग-ए-मर्क़द से पस अज़ फ़ना भी मुझे पास-ए-मय-परस्ती है असीर कर के हमें ख़ुश न होइयो सय्याद कि तू भी याँ तो गिरफ़्तार-ए-दाम-ए-हस्ती है 'अजब नहीं दम-ए-ईसा से भी जो गुल हो जाते कि शम-ए-सुब्ह हमारा चराग़-ए-हस्ती है वो माँगता है मिरी जान रू-नुमाई में यही जो मोल है तो जिंस-ए-हुस्न सस्ती है किया है उस ने तो यूसुफ़ का चाक दामन-ए-पाक न पूछो 'इश्क़ की जो कुछ दराज़-दस्ती है कहूँ मैं वही है साक़ी वही सुबू वही जाम मुदाम-ए-बादा-ए-वहदत की मुझ को मस्ती है 'अलम है तेग़-ए-दो-दम तैरे सर झुकाए हूँ मैं तिरी गली में भी ज़ालिम बुलंदी पस्ती है जो चाहे रहमत-ए-हक़ 'इज्ज़ कर शि'आर अपना रवाँ उधर को है पानी जिधर को पस्ती है सफ़ेद हो गई मू-ए-सियाह ग़फ़लत छोड़ हुई है सुब्ह कोई दम चराग़ हस्ती है हर इक जवान का क़द ख़म हुआ है पीरी से मआल-ए-कार बुलंदी जहाँ में पस्ती है वो अपनी जुम्बिश-ए-अबरू दिखा के कहता है ये वो है तेग़ इशारों ही से जो कसती है चे ख़ुश बवद कि बर आयद बेक करिश्मा दो कार सनम बग़ल में है दिल महव-ए-हक़-परस्ती है है ख़ूब पहले से 'गोया' करूँ मैं तर्क-ए-सुख़न कि एक दम में ये ख़ामोश शम-ए-हस्ती है

Goya Faqir MohammadGoya Faqir MohammadYaadDilMaaSham
nazāra-e-ruḳh-e-sāqī se mujh ko mastī hai
Goya Faqir Mohammad
Goya Faqir Mohammad
Goya Faqir Mohammad
poet46 quotes

More by Goya Faqir Mohammad

View all →
Quote
"duaaein maangin hain muddaton tak jhukaa ke sar haath uThaa uThaa kar huaa huun tab main buton kaa banda khudaa khudaa kar khudaa khudaa kar duaa lab-e-jaam ne bhi maangi subu ne bhi haath uThaa uThaa kar hamaari mahfil mein aayaa saaqi khudaa khudaa kar khudaa khudaa kar dikhaayaa vahdat ne apnaa jalva dui kaa parda uThaa uThaa kar karun main sajda buton ke aage tu ai barahman khudaa khudaa kar hain ashk zakhmon se mere jaari na dekhi hogi ye ashk-baari bani hain chashm-e-pur-aab qaatil ye zakhm paani churaa churaa kar kahaan vo shaklein kahaan vo baatein kahaan vo jalse kahaan vo mahfil ye sab kaa sab khvaab kaa thaa saamaan chhupaa liyaa bas dikhaa dikhaa kar ba-rang-e-saaghar milaa diyaa munh jo munh se tere khafaa na honaa kiyaa hai behosh tu ne saaqi sharaab mujh ko pilaa pilaa kar uThaayaa yaaron ne par na uTThaa zamin se hargiz hamaaraa laasha ye kis ne ham ko hai maar Daalaa nazar se apni giraa giraa kar jo pahunchein ham murgh-e-naama-bar ko to chuTkiyon mein use uDaa de agar-che vo tifl kheltaa hai par-e-kabutar uDaa uDaa kar pas-az-fanaa bhi agar tu aae karun sag-e-yaar mehmaani ki ustakhvaanon ko apne tan mein rakhaa humaa se chhupaa chhupaa kar gire agar sar-kashi ho mujh se abhi falak ko zamin pe paTkun ki toD Daale main aise miine hazaaron shishe uThaa uThaa kar kabhi mire dil se karti hain bal kahi hain shaane se ye uljhtin gharaz ki zulfon ko tu ne zaalim bigaaDaa hai sar chaDhaa chaDhaa kar shikast likhtaa thaa naam dil kaa yahi thi tifli mein mashq teri banaa diyaa dil-shikan ye tujh ko moallimon ne likhaa likhaa kar baDe gile hain ajal ko tujh se masih ko bhi bahut hain shikve ki dam mein tu ne hain maar Daale hazaaron murde jilaa jilaa kar pilaanaa paani kaa jaam zaahid gunaah mashrab mein hai hamaare savaab letaa nahin hai kyuun tu sharaab mujh ko pilaa pilaa kar nahin koi raazdaar ham saa kiyaa na vahshat mein tujh ko rusvaa ki daagh maanind-e-khaar-e-maahi badan mein rakhe chhupaa chhupaa kar gale hazaaron ne apne kaaTe hazaaron be-vajh ho gae khuun bahut huaa phir tu yaar naadim kaf-e-hinaai dikhaa dikhaa kar nigah ki surat phiro na har su hijaab tum mardumuk se sikho ab aao aankhon mein sair dekho mizha ki chilman uThaa uThaa kar dikhaa ke gul se ezaar tu ne kiyaa dil-e-aashiqaan ko bulbul banaa diye gosh ghairat-e-gul sadaa-e-rangin sunaa sunaa kar gunaah kartaa hai barmalaa tu kisi se kartaa nahin hayaa tu khudaa ko kyaa munh dikhaaegaa tu zaraa tu ai be-hayaa hayaa kar chalaa hai mahfil se apne saaqi dikhaaun main apni ashk-baari karun bat-e-mai ko murgh-e-aabi abhi se dariyaa bahaa bahaa kar rulaae barson hansi tu jis se dikhaae gar zulf maar rakkhe kare tu dar-parda raah dil mein jo dekhe parda uThaa uThaa kar vahi asar hai junun kaa ab tak vahi hai laDkon ko ab bhi kaavish ki meri miTTi ke roz majnun bigaaDte hain banaa banaa kar ajab nahin naama-e-amal kaa dilaa ho kaaghaz agar khataa ke khataaein kiin main ne aashkaaraa kiye hain isyaan chhupaa chhupaa kar asar hai chaah-e-zaqan ki ulfat kaa baad-e-murdan bhi aah baaqi ki khelti hain hamaari miTTi ke Dol laDke banaa banaa kar kiyaa hai poshida ishq ham ne kisi se dar-parda hai mohabbat paDe hue bistar-e-alam par jo rote hain munh chhupaa chhupaa kar jo khauf tufaan-e-ashk se ab nahin hai jaataa na jaae qaasid ravaan karun su-e-yaar-e-jaani khaton ki naavein banaa banaa kar tiraa saa qad ban sakaa na hargiz tiri si surat na bin saki phir agar-che saane ne laakhon naqshe bigaaD Daale banaa banaa kar udhar mizha ne lagaai barchhi idhar nigaahon ne tiir maare shikast di fauj-e-sabr-e-dil ko ye kis ne aankhein laDaa laDaa kar kaTi hai goyaa shab-e-javaani bas aan pahunchi hai subh-e-piri bahut si ki tu ne but-parasti ab ek do din khudaa khudaa kar"
Goya Faqir MohammadGoya Faqir Mohammad
SadDil
Quote
"kyaa hain shaidaa-e-qadd-e-yaar darakht hain jo shabnam se ashk-baar darakht dekhein gar sarv-qad-e-yaar darakht khaak par loTein saaya-daar darakht ashk-baar un pe hain jo murgh-e-chaman pahne hain motiyon kaa haar darakht sar-kashi ki hai kyaa tire qad se kaaTe jaate hain be-shumaar darakht kyaa tire qad se duun misaal use ki hai angusht zinhaar darakht tire jalve se nakhl-e-tur bane hain jo baalaa-e-kohsaar darakht bed-e-majnun ko dekh o lailaa hai ye majnun kaa yaadgaar darakht dekh kar tujh ko bhuul jaaeinge gul khilaaenge be-bahaar darakht zindagi mein na main ne phal paayaa ho na mere sar-e-mazaar darakht faaeda bhi yahaan to nuqsaan hai sang khaate hain baar-daar darakht daagh-e-tan khil rahe hain surat-e-gul ham hain goyaa shagufa-daar darakht"
Goya Faqir MohammadGoya Faqir Mohammad
ZindagiYaad
Quote
"jo pinhaan thaa vahi har su 'ayaan hai ye kahiye lan taraani ab kahaan hai jo pahunche haath zanjiron ko toDein garche paanv apnaa darmiyaan hai chamak laa'l-e-badakhshaan ki miTaa de tire honTon pe aisaa rang paan hai tujhe kahtaa huun sun o vahshat-e-dil vahaan le chal jahaan vo dil-sitaan hai vo hon naazuk-mizaaj ai ham-safiro rag-e-gul mujh ko khaar-e-aashiyaan hai muaa jaataa huun main tarz-e-nigah se tire lab ki masihaai kahaan hai bulaa kar us se do baatein to sun le ye kahte hain ki 'goyaa' khush-bayaan hai"
Goya Faqir MohammadGoya Faqir Mohammad
DilGul

More on Yaad

View all →
Quote
"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"
Mahmood NashtariMahmood Nashtari
YaadDil
Quote
"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"
Irfan SattarIrfan Sattar
YaadDil
Quote
"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"
N
Naeem Sameer
YaadKhudi