ushshaaq tere sab the par zaar thaa so main thaa — Meer Soz

"hamein kaun puchhe hai saahibo na savaal mein na javaab mein na to koi aadmi jaane hai na hisaab mein na kitaab mein na to ilm apne mein hai yahaan ki khudaa ne bhejaa hai kis liye isi ko jo kahte hain zindagi so to jism ke hai azaab mein yahi shakl hai jise dekho ho yahi vaza hai jise ghuro ho jise jaan kahte hain aadmi use dekhaa aalam-e-khvaab mein main khilaaf tum se nahin kahaa ise maano yaa ki na maano tum main ne apni aankhon se dekhaa main ki milaa huun us ki janaab mein na sunoge 'soz' ki guftugu jo phiroge DhunDne ku-ba-ku ye nasha hai us ke bayaan mein ki nahin nasha hai sharaab mein"

"jis kaa tujh saa habib hovegaa kaun us kaa raqib hovegaa be-vatan be-rafiq be-asbaab kaun aisaa gharib hovegaa dard-e-dil ki davaa ho jis ke paas koi aisaa tabib hovegaa mil rahegaa kabhi tu duniyaa mein gar hamaaraa nasib hovegaa 'soz' ko vo milaaegaa tujh se jo khudaa kaa habib hovegaa"

"ghamza-e-chashm sharmsaar kahaan sar to haazir hai tegh-e-yaar kahaan gul bhi kartaa hai chaak apnaa jaib par garebaan saa taar taar kahaan ho ghazaalon ko us se ham-chashmi tikhi chitvan kahaan khumaar kahaan andalibon ne gul ko gher liyaa ek jevDaa kahaan hazaar kahaan ek din ek shakhs ne puchhaa miir saahab tumhaaraa yaar kahaan main ne us se kahaa ki sun bhaai ab mujhe us talak hai baar kahaan gaah-gaahe salaam kartaa hai par vo baatein kahaan vo pyaar kahaan zindagi tak sitam to sah le 'soz' phir to ye zulm baar baar kahaan"

"kaabe hi kaa ab qasd ye gumraah karegaa jo tum se butaan hogaa so allaah karegaa zulfon se paDaa tuul mein ab ishq kaa jhagDaa khat aan ke ye majhla kotaah karegaa bose ki talab se to rahegaa tabhi ai dil jab gaaliyaan do-chaar vo tankhvaah karegaa aaine ko Tuk bhar ke nazar dekh to pyaare vo tujh ko mire haal se aagaah karegaa ahvaal-e-dil-e-zaar tujhe hovegaa maalum jab tu kisi mah-vash ki miyaan chaah karegaa vaahi na samajh 'soz' ke paimaan ko tu ai yaar jo tujh se kiyaa ahd so nirbaah karegaa"

"ye teraa ishq kab kaa aashnaa thaa kahaan kaa jaan ko meri dharaa thaa vo saaat kaun si thi yaa ilaahi ki jis saaat do-chaar us se huaa thaa main kaash us vaqt aanhkein muund letaa ki meraa dekhnaa mujh par balaa thaa main apne haath apne dil ko khoyaa khudaavandaa main kyuun aashiq huaa thaa na thaa us vaqt juz allaah koi vale ye 'soz' pahlu mein khaDaa thaa"

"apne naale mein gar asar hotaa qatra-e-ashk bhi guhar hotaa jin ke naame ki hai pahunch tujh tak kaash main un kaa naama-bar hotaa dil na detaa jo main tujhe zaalim kyuun miri jaan kaa zarar hotaa phir na kartaa sitam kisi pe agar haal se mere baa-khabar hotaa khun-e-ushshaaq karte kyuun naahaq gar buton ko khudaa kaa Dar hotaa kaam aataa main ek din pyaare rabt mujh se tujhe agar hotaa khinchti fauj-e-khat jo husn pe tegh siina meraa hi vaan sipar hotaa 'soz' ko shauq kaa'be jaane kaa hai bahut par ziyaada-tar hotaa shaikh maanind tere us ke paas baar-bardaari ko jo khar hotaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"