vaqt-e-safar qarib hai bistar sameT luun — Ajmal Ajmali

"aazaar bahut lazzat-e-aazaar bahut hai dil dast-e-sitam-gar kaa talabgaar bahut hai iqraar ki manzil bhi zarur aaegi ik din is vaqt to bas lazzat-e-inkaar bahut hai yaaraan-e-safar koi davaa DhunD ke laao insaan mire daur kaa bimaar bahut hai haan dekhiyo irfaan-e-baghaavat na jhulas jaae manzar miri duniyaa kaa sharar-baar bahut hai ham ghar ki panaahon se jo nikle to ye jaanaa hangaama pas-e-saaya-e-divaar bahut hai qaatil ki inaayat kaa maza aur hai varna jaan lene ko ye saans ki talvaar bahut hai kyaa log hain ye soch ke baiThe huun gharon mein bas zulm se be-zaari kaa izhaar bahut hai haalaat-e-zamaana se laraz jaate hain 'ajmal' yuun hai ki zamaane se hamein pyaar bahut hai"

"ai husn jab se raaz tiraa paa gae hain ham hasti se apni aur qarib aa gae hain ham yuun bhi huaa ki jaan ganvaa di tire liye yuun bhi huaa ki tujh se bhi katraa gae hain ham raah-e-vafaa mein aise maqaamaat bhi mile apnaa sar-e-niyaaz bhi Thukraa gae hain ham yaadash-ba-khair ik gul-e-shaadaab the kabhi aisi khizaan paDi hai ki kumhlaa gae hain ham subh-e-visaal thi to tabiat thi baagh baagh shaam-e-firaaq aai to sanvlaa gae hain ham insaan teri fath pe ab bhi yaqin hai go apni zindagi se bhi ghabraa gae hain ham mahrumiyon kaa baar-e-giraan dosh par liye ai maut sun ki tere qarib aa gae hain ham apne subu mein talkhi-e-dauraan sameT kar baa-sad-khulus nosh bhi farmaa gae hain ham taarikh-e-inqilaab-e-zamaana se puchh lo jab jab sadaa mili sar-e-daar aa gae hain ham 'ajmal' jab un ki bazm mein chheDi hai dil ki baat apne to khair ghair ko taDpaa gae hain ham"

"raaste ke pech-o-kham kyaa shai hain sochaa hi nahin ham safar par jab se nikle muD ke dekhaa hi nahin do ghaDi ruk kar Thahar kar sochte manzil ki baat raaste mein koi aisaa moD aayaa hi nahin zindagi ke saath ham nikle the le kar kitne khvaab zindagi bhi khatm hai mausam badaltaa hi nahin ik diyaa yaadon kaa thaa raushan thi jis se bazm-e-shab jaane kyaa guzri kai raaton se jaltaa hi nahin zindagi bhar pai-ba-pai ham ne kurede apne zakhm ham se chhuT kar us pe kyaa guzri ye sochaa hi nahin aarzu thi khinchte ham bhi koi aks-e-hayaat kyaa karein ab ke lahu aankhon se Tapkaa hi nahin is tarah kaise ho 'ajmal' chaara-e-dil ki umiid dard apnaa aakhiri had se guzartaa hi nahin"

"har ujaalaa nai sahar to nahin raat ki umr raat-bhar to nahin aadmi chand gaam baDh na sake zindagi itni mukhtasar to nahin ik ujaalaa saa saath rahtaa hai sochtaa huun tiri nazar to nahin ek hangaam hai bayaabaan mein koi aamaada-e-safar to nahin vaqt be-shak aziim hai lekin mujh se tujh se azim-tar to nahin duur kuchh saae se hain sahraa mein raah-e-gum-karda ham-safar to nahin aap jo bhi kahein vo sach 'ajmal' aap ab itne mo'atabar to nahin"

"tiri nazar bhi nahin harf-e-muddaaa bhi nahin khudaa-gavaah mire paas kuchh rahaa bhi nahin hazaar manzil-e-gham se guzar chuke lekin abhi junun-e-mohabbat ki ibtidaa bhi nahin gham-e-firaaq ye shab kis tarah se guzregi ki ab to aas ki mauhum si ziyaa bhi nahin na jaane kis liye ab bhi hai dil se baDh ke aziiz siyaah-dil bhi nahin aur paarsaa bhi nahin jo sach kahun to mohabbat-shiaar 'ajmal' mein hazaar aib sahi aadmi buraa bhi nahin"

"yaad-e-firaaq-e-yaar tiraa shukriyaa bahut kal raat dil mein dard hamaare uThaa bahut kal raat tere gham ne lagaai thi phir sabil kal raat ham ne zahr-e-halaahal piyaa bahut muddat ke baad phir se mulaaqaat ho gai ham ko udaas dekh ke royaa kiyaa bahut shaayad nasim teraa badan chhu ke aai thi apni sahar mein rang-e-qayaamat rahaa bahut 'ajmal' na aap saa bhi koi sakht-jaan milaa dekhein hain ham ne yuun to sitam-aashnaa bahut"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"