Ghazal

"khaak sahraa mein uDaati hai ye divaani havaa aur bahaaron mein karegi chaak-daamaani havaa peD ukhDe ghar gire aandhi chali chhappar uDe chal paDi jis vaqt aabaadi mein divaani havaa garmiyon mein muztarib the log paani ke liye baadalon ko kar gai barsaat mein paani havaa yuun huaa mahsus patton ke khaDakne se mujhe chupke chupke karti hai auraaq-gardaani havaa raushni hi raushni hoti jahaan mein har taraf gar charaaghon ki kiyaa karti nigahbaani havaa haae phir jazbaat 'aasi' ko havaa dene lage dil ke dariyaa mein kahin laae na tughyaani havaa"

"us pe kyaa guzregi vaqt marg andaaza lagaa muntashir hasti kaa apni jis ko shiraaza lagaa auliyaa-allaah ki chaukhaT ke bhi aadaab hain sar uThaa kar jo bhi aayaa us ko darvaaza lagaa nuur ki chaadar tani hai yuun fazaa-e-dahr par jaise taare toDne ko dast-e-khamyaaza lagaa jaane kis andaaz se us shokh ne Daali nazar jo puraanaa zakhm thaa vo bhi hamein taaza lagaa mai-kade kaa ek hi dam mein badal jaae nizaam su-e-mai-khaana bhi 'aasi' aisaa aavaaza lagaa"

"shab-e-gham ki zulfon ke saae baDhaa dein kaho to sitaaron ki shamein bujhaa dein masihaa-sifat ho jalaa do nazar se marizaan-e-ulfat bhi daad-e-davaa dein jo tum iztiraab-e-mohabbat miTaa do tumhein be-qaraar-e-mohabbat duaa dein mohabbat ke dastur sab se niraale hamin kaam aaein hamin ko sazaa dein tumhin ne pilaa kar to be-khud kiyaa thaa tumhein chaahiye thaa hamein aasraa dein hamein zahr kaa jaam amrit hai 'aasi' magar shart hai aap khud hi pilaa dein"

"aap ki hasti kyaa hasti hai sarmasti hi sarmasti hai jab ham aapas mein milte hain duniyaa aavaazein kasti hai mahngaai ke yug mein socho maan ki mamtaa kyon sasti hai basti basaanaa khel hai kyaa baste baste hi basti hai yaadon ke daftar mein 'aasi' guzre lamhon ki nasti hai"

"aaina-dar-aaina har shai jahaan ki khuub hai zinat-e-aaina-e-dil jalva-e-mahbub hai aaine ko khud hi kar dete hain aksar paash-paash is liye ki saaf-goi talkh hai maa'tub hai jis ke siine se badal jaati hai dil ki kaifiyat mast aankhon mein tumhaari kaunsaa mashrub hai kaun batlaaegaa paimaane mein raaz-e-mai-kashi is mein koi mast hai abdaal hai majzub hai baa-'amal mein hukmraani ki hai har ik daur mein be-'amal jo bhi hai vo mahkum hai maghlub hai saare 'aalam ki zabaan shirin-zabaan urdu rahe khaadim-e-urdu zabaan ko aur kyaa matlub hai taaq-e-nisyaan avvalin takhliq-e-'aasi-faaiqi' qibla 'faaiq' mohtaram ke naam se mansub hai"

"guftugu jis ki ba-andaaz-e-khirad hoti hai us ki tahrir mohabbat ki sanad hoti hai nigah-e-yaar se bach jaaegaa koi kaise is se baDh kar bhi kahin tegh ki zad hoti hai aaj kal iinT kaa patthar se zaruri hai javaab zulm sahne se bhi zaalim ki madad hoti hai fikr-e-fardaa se sarokaar nahin hai un ko jin ko har roz faqat fikr-e-rasad hoti hai aashnaa apni qazaa se bhi nahin hai koi kaun martaa hai kahaan kis ki lahad hoti hai apni hi aag mein insaan ko jalaati jaae naar-e-dozakh ki tarah khu-e-hasad hoti hai kab talak gham kaa na izhaar karein ham 'aasi' zid mein hansne ki bhi aakhir koi had hoti hai"

"jalva-numaa hai chaand sitaaro ba-ehtiyaat mahv-e-jamaal-e-yaar nazaaro ba-ehtiyaat zulf-e-vafaa to pahle sanvaaro ba-ehtiyaat phir jazba-haa-e-shauq ubhaaro ba-ehtiyaat naaz-o-niyaaz sehn-e-chaman mein rahein zarur aao ba-sad-niyaaz bahaaro ba-ehtiyaat vaqt-e-sahar duaa ke liye haath uTh gae palkon pe rahnaa gham ke sitaaro ba-ehtiyaat allaah ke huzur mein chalnaa hai shaad-kaam karnaa hai nek kaam jo yaaro ba-ehtiyaat insaan ki khud-sataaiyaan gumraah kar chalin yaaro tum apnaa vaqt guzaaro ba-ehtiyaat 'aasi' vo sab ki suntaa hai parvardigaar hai maango ba-sad-khulus pukaaro ba-ehtiyaat"

"us shokh se milte hi hui apni nazar tez hai mehr-e-darakhshaan ki shuaaon kaa asar tez vo peD jo tezaab se sairaab huaa thaa us peD kaa hone lagaa har ek samar tez vo manzil-e-maqsud pe pahunchegaa yaqinan jo raah mein chaltaa rahe be-khauf-o-khatar tez detaa hai jidhar un ko mafaad apnaa dikhaai arbaab-e-havas shauq se baDhte hain udhar tez be-nur na kar jaae fasaadaat ki aandhi lau ghar ke charaaghon ki zaraa aur bhi kar tez aasaar qayaamat ke nazar aate hain 'aasi' is daur mein dekhaa gayaa har ek bashar tez"

"phuul hanse kyon roi shabnam raaz ki baatein mubham mubham donon aasaan donon mushkil be-rabti aur rabt-e-baaham dariyaa ki ijmaali surat qatra qatra moti shabnam jis din bhi vo barham hogaa us din duniyaa darham-barham 'aasi' hon yaa qaazi saahab donon bhi hain ibn-e-aadam"

"aaj us ne naqaab ulTaa hai parda-e-aaftaab ulTaa hai jalva-farmaa hain vo lab-e-dariyaa manzar-e-aab-o-taab ulTaa hai bahr-e-hasti mein misl-e-kaasa-e-sar dekhiye har habaab ulTaa hai aap kaa bhi koi javaab nahin baat kaa har javaab ulTaa hai raah sidhi kise dikhaaein ham ye zamaana janaab ulTaa hai pesh-e-aaina likh rahe honge mere khat kaa javaab ulTaa hai hashr mein aur bhi to the 'aasi' us ne meraa hi baab ulTaa hai"

"daaman-e-taar-taar ke qisse chhiD gae hain bahaar ke qisse mai barasne lagi nigaahon se be-piye bhi khumaar ke qisse dil pareshaan hai to sunaae jaa mausam-e-khush-gavaar ke qisse chashm-e-tar mein tasavvur-e-furqat nok-e-mizhgaan pe khaar ke qisse shaam-e-hijraan baDe rasile the aankh mein intizaar ke qisse raat dasht-e-vafaa mein khuub chale chashm-e-aahu-shikaar ke qisse sun sakoge sunaae gar 'aasi' daar-e-hasti pe yaar ke qisse"

"zulfon ki chhaanv chhaanv rukh-e-laa-javaab thaa vo be-naqaab hote hue baa-naqaab thaa mahv-e-khiraam-e-naaz adaaein shabaab thaa vo din havaa hue ki pasina gulaab thaa jalva-numaaiyon mein hui gharq-e-tishnagi aks-e-jamaal-e-yaar ba-jaam-e-sharaab thaa asp-e-ravaan-e-ahd-e-javaani ki manzilein vo meraa ham-rikaab mein paa-ba-rikaab thaa mujh se gham-e-hayaat ki kaifiyyatein na puchh shabnam ki tarah ashk tabassum-maaab thaa main jis ke khvaab dekh rahaa thaa makaan mein vo apne bed-rōm mein khud mahv-e-khvaab thaa naakaamiyon ki nazar na 'aasi' huaa kabhi fankaar apne fan mein bahut kaamyaab thaa"

"barson koi hamaare liye jism-o-jaan rahaa lekin vo ab fareb kaa aalam kahaan rahaa aise bhi raaston se guzarnaa paDaa ki bas vo bad-gumaan rahe kabhi main bad-gumaan rahaa haalaat ne miTaa diye maazi ke sab nuqush ik naam thaa jo miT ke bhi vird-e-zabaan rahaa dhundle se kuchh nishaan hain ghaTaaon ke dhyaan mein ab vo rahe na duur na pir-e-mughaan rahaa 'aasi' diyaa hai jis ne zamaane mein apnaa haq raushan usi kaa dahr mein naam-o-nishaan rahaa"

"tere gham-khvaar kaa maamul khudaa hi jaane kis qadar rahtaa hai mashghul khudaa hi jaane ham ne ulfat kaa sabaq sikhaa hai divaanon se us kaa baa-qaaedaa schōl khudaa hi jaane jubba-saai dar-e-jaanaan pe kiyaa kartaa huun kis liye kyon miraa maamul khudaa hi jaane ujDe gulshan mein mire dil ke bahaarein aaein daagh-e-dil ban gae kyon phuul khudaa hi jaane aaj-kal ham se vo khaaif hain khilaaf-e-aadat jaane kyaa ham se hui bhuul khudaa hi jaane dekhte dekhte 'aasi' ne hidaayat paa li kis tarah ho gayaa maqbul khudaa hi jaane"

"roz-o-shab mein dil ke telephone se guftugu kartaa huun ik khaatun se ban ke afsaana hui hai muntashir surkhiyaan ubhrin jo dil ke khuun se justuju shaqq-ul-qamar ki chhoD kar khaak uThaa laayaa hai khaaki moon se jazba-e-insaaniyat darkaar hai kaam sab chalte nahin qaanun se shaa’ir-e-khuddaar ko samjhaa hai kyaa kam nahin hai ye bhi aflaatun se ho chalaa hai khaatma insaan kaa har taraf mahngaai hai taa'un se karte hain 'aasi' bhi kyaa aaraasta jaama-e-tahrir ko mazmun se"

"ham se milte hain vo dar-parda shikaayat ke evaz chaand ru-posh ho jis tarah lataafat ke evaz apni hasti ko miTaa kar hi to paayaa hai use ham ko haasil hai razaa us ki itaaat ke evaz zindagaani tiri barbaad nahin hoti kabhi har amal hotaa jo al-hamd ki aayat ke evaz husn-e-jiddat se bhi aaraasta kar liije kalaam aap paaband-e-rivaayat na hon aadat ke evaz munhasir 'aasi' pe kiyaa aur bhi munim hain bahut paas jo kuchh rakho rahtaa hai kifaayat ke evaz"

"puraane log nae kaarobaar dete hain khizaan kharid ke fasl-e-bahaar dete hain zarur un ko mohabbat se vaasta hogaa jo ranj-o-gham ke evaz ham ko pyaar dete hain shab-e-visaal ki lazzat unhein nasib hui jo intizaar ki ghaDiyaan guzaar dete hain hamaare ashk mohabbat mein qimti Thahre gham-e-hayaat ki qismat sanvaar dete hain milan ki rut pe bashar kyaa darakht aur paude sab apni apni qabaaein utaar dete hain hamaari jaan ki qimat chukaa rahe hain vo milaa ke khaak mein musht-e-ghubaar dete hain ham apne aap mein khud baa-vaqaar hain 'aasi' jo be-vaqaar hain apnaa vaqaar dete hain"