Ghazal

"jab jab us ko yaar manaanaa paDtaa hai surkh labaada oDh ke jaanaa paDtaa hai tum meri sochon par qabza rakhte ho tum se mujh ko 'ishq nibhaanaa paDhtaa hai ham jaison ko vahshat tab apnaati hai ik chaukhaT pe shish jhukaanaa paDtaa hai vo jab phuul se vajd mein jaa Takraati hai phir gulshan ko hosh mein laanaa paDhtaa hai us laDki ke 'saajid' 'saajid' kahne par ab college bhi vaqt pe jaanaa paDtaa hai"

"kamre ki jab se tirgi baDhti chali gai zakhmon se apni dosti baDhti chali gai chaaron taraf se khud mein lagaai gai thi aag chaaron taraf hi raushni baDhti chali gai main jitnaa tere jism ko paDhtaa chalaa gayaa khud se phir utni aagahi baDhti chali gai 'saajid' hamaare gaanv mein dariyaa ke baavajud kyaa raaz hai jo tishnagi baDhti chali gai"

"jab 'aks miraa shor machaane mein lag gayaa kamre se main bhi khud ko bhagaane mein lag gayaa almaariyon se chikh rahe hain tumhaare khat phir huun havaa mein un ko jalaane mein lag gayaa is baar main ne khvaab mein tasvir phaaD di is baar main bhi us ko bhulaane mein lag gayaa ik choT mere jism ko khaane mein lag gai ik khvaab meri aankh chabaane mein lag gayaa"

"sabaa ne kaan mein aa kar kahaa mile hi nahin hasin log tire gaanv mein rahe hi nahin hamein kyaa 'ilm ki kyaa shai hai aabla-paai ham apne kamre se baahar kabhi gae hi nahin hamein bachaane pe raazi thaa ik jahaan magar phir ek moD vo aayaa ki ham bache hi nahin tamaam shahr ne mil-jul ke kar liye taqsim ye haadsaat mire yaar jab Tale hi nahin mujhe giraane pe aandhi kaa zor thaa kitnaa mere lagaae hue peD to gire hi nahin"

"jab mire nazdik suraj mein kami paidaa hui phir andheron ke shahar mein raushni paidaa hui jab sadaa-e-kun lagaa kar vo zaraa faarigh huaa phir khudaa ki shaan mein ye shaairi paidaa hui main ne lafzon ko pilaai hai tiri jhuTi sharaab tab kahin ghazlon mein apni chaashni paidaa hui do musaafir phaand baiThe ajnabiyyat kaa mazaar dekhte hi dekhte phir dosti paidaa hui meraa rishta kuchh na thaa vahshat tire ajdaad se phir mire ghar kyon ye lailaa si pari paidaa hui"

"kab kis ko mayassar hai ye rutba ye amaari phulon ki kaTori mein hai shabnam ki savaari aankhon mein jalaae gae phir khvaab tumhaare siine se kharochi gai phir yaad tumhaari ai laaDli bachchi meri baabaa tere sadqe sau rang mire ghar mein tu le kar hai padhaari sab ilm-o-adab le gayaa 'saajid' kaa gharaanaa baiThe rahe kaasa liye masnad pe bhikaari"

"khiDki se zaraa jhaank le ik baar mere yaar hai kaun tire dar pe talabgaar mere yaar ik giit sar-e-shaam lataa ji ki sharan mein aur us pe tire paanv ki jhankaar mere yaar honTon se gavaaraa nahin aankhon se lagaa le hai zehni kashaakash mein teraa yaar mere yaar ik shaam zaraa bhar kisi darvesh ki jholi ye bhi hain tiri zulf ke haqdaar mere yaar mumkin nahin ban jaaun kisi dar kaa savaali rahtaa hai najaf mein miraa sardaar mere yaar sab laash miri qabr mein rakhne pe tule hain bas ek sadaa thi ki mere yaar mere yaar milti na ho roTi jise do vaqt ki 'saajid' vo kaise kare ishq pe guftaar mire yaar"

"vasl ki raat ajab hijr manaataa huaa main mujh mein aataa huaa tu tujh ko bhagaataa huaa main ek tasvir mein aa baiThe hain donon pahlu mujh se ruThaa huaa tu tujh ko manaataa huaa main jaane kis samt bahaa le gayaa mujh ko paani tu ne dekhaa hi nahin chikhtaa gaataa huaa main roz aa jaataa huun sahraaon se ghar ki jaanib kuchh parindon ko sar-e-shaam uDaataa huaa main"

"mere bahte ashkon mein zaaiqa nahin hogaa jab talak talaatum mein moajiza nahin hogaa sab parind shaakhon se jaan bachaa ke uDte hain vo jo mar gayaa shaayad vo uDaa nahin hogaa aasmaan vaale khud phir tumhein giraa deinge gar tumhaare shaanon par hausla nahin hogaa bas guzarne vaale kaa itnaa dukh to hai mujh ko ab kabhi kahin us se raabta nahin hogaa ab hamaari ghazlon ko raushni nahin milti vo hamaare baare mein sochtaa nahin hogaa raushni havaa jaadu sab puraane qisse hain haan tumhaari aankhon se kuchh sivaa nahin hogaa main tiri amaanat huun tu meri amaanat hai ye jo vaqt hai 'saajid' ye sadaa nahin hogaa"