Ghazal

"havaa se baat kareinge yaa hausla kareinge charaagh aisi fazaaon mein aur kyaa kareinge nayaa makaan khanDar kar liyaa sajaate hue ab aise log tamaashe mein kyaa nayaa kareinge bahut giraayaa hai takiye ki 'aadaton ne hamein so agle khvaab mein bistar kaa aasraa kareinge tumhaare saath ta'alluq banaaeinge gahraa zaraa si baat pe hafton bhi laD liyaa kareinge ham ab ki baar buzurgon kaa maan rakkheinge samajh ke soch ke har tajraba kiyaa kareinge bas ek baar hamein dosti mein shaamil kar kareinge teri taraf-daari baa-khudaa kareinge bichhaDte vaqt bhi amn-o-amaan banaa rahegaa salaam bhejeinge harf-e-du'aa kiyaa kareinge"

"mukhtasar 'ishq hai is mein bahut 'arsa nahin hai jaise bas jism hai aur ruuh kaa kharcha nahin hai in dinon aisi mahaarat mein hai mashhur koi jis kaa is shahr ke qaatil ne bhi sochaa nahin hai aa to jaate hain sabhi us ke tasarruf mein magar maan jaate hain ki vo aadmi achchhaa nahin hai ai mire dil ki zaminon ke nigahbaan khudaa kyaa mire naam pe thoDaa saa bhi raqba nahin hai maar dete hain yahi log adaa se apni aur kahte hain ki aadam kaa bharosa nahin hai pahle rakkheinge mohabbat ki jagah khaamoshi phir kaheinge ki miri jaan ye dhokaa nahin hai kaise samjhaaein ki barbaad hue hain kaise tu ne us aankh ko uThte kabhi dekhaa nahin hai"

"kaanTon kaa khamyaaza hai phuul abhi tak taaza hai vo meraa hai bas meraa ye bhi to andaaza hai khiDki khol ke dekho mat har manzar darvaaza hai make-up karti laDki sun kaun se dukh kaa ghaaza hai rishte marte jaate hain har-su ek janaaza hai"

"kyon na-jaane nahin huaa mujh se ek rasta nahin khulaa mujh se qasr-e-rangini-e-labaada kaa ek patthar nahin hilaa mujh se apne asbaaq mujh ko raTvaae aur kuchh bhi nahin sunaa mujh se hiddatein meri jaan le leingi apnaa saaya nahin haTaa mujh se shahr kaa shahr mujh mein Duub gayaa koi baahar nahin gayaa mujh se tum to phir bhi khudaa ho kyaa milte aadmi tak nahin milaa mujh se ghairat-e-dast-e-qaatilaana huun kaun kartaa nahin hayaa mujh se"

"ghise-piTe hue aansu miTe miTe hue dost gine-chune hue moti dhule dhule hue dost paraai piiD ke jaisaa jiyaa jiyaa huaa dukh puraane dard ke jaise nae nae hue dost lagi-lagaai hui lat chaDhaa-chaDhaayaa nasha khule khule hue daaman kase kase hue dost sune sune hue naghme gae gae hue din jali jali hui shaamein hanse hanse hue dost hasin bune hue sapne zarin lage hue rog javaan javaan zamaane mare paDe hue dost"

"jo kuchh bhi ho chukaa thaa jataa kar nahin gae achchhaa huaa ki aap bataa kar nahin gae bikhre hain kaaghzaat yunhi dil ki mez par jaate hue bhi log uThaa kar nahin gae yaa sirf naashirin ko mauqa' diyaa gayaa yaa sirf saama'in sunaa kar nahin gae joDaa hai baarhaa inhein khilqat ke saamne ham log sirf haath dikhaa kar nahin gae rukhsat kiyaa gayaa hai tiri jail se hamein nikle par apne haath chhuDaa kar nahin gae"

"bashar ke dil par azal se likkhi khudaa ki pahli kitaab huun main sunaa rahaa hai zamaana jis ko abad talak kaa khitaab huun main jo raakh samjho to aag jaisi jo zahr gholo to naag aisi tumhaaraa partav likhi gai huun tumhaare jaisaa 'azaab huun main napi-tuli si nigaah mere badan pe yaksar ghumaane vaalo tumhaari 'aqlon pe jo paDaa hai siyaah sangin hijaab huun main kali ki surat masal ke mujh ko baDhaa rahe ho dukaan-e-khushbu har ek gaahak se kah rahe ho sadaa mahaktaa gulaab huun main jo daftaron mein jami hui huun baqaa ki khaatir khaDi hui huun savaal ban kar mujhe na dekho zaruraton kaa javaab huun mein tumhi ne chhup kar mohabbaton ke dinon mein mujh ko gulaab bheje aur ab sabhi se ye kah rahe ho ghalat farebi kharaab huun main miri haqiqat ke ek rukh se nisaab-daanon ne khuub khelaa kisi ne bas angbin samjhaa kisi ne likkhaa sharaab huun mein"

"ik aur bhej dilaasa ki din badalte hain ye jhuuT aur zaraa saa ki din badalte hain chali thi baad-e-sabaa phir ghubaar ho baiThi nasib dekh havaa kaa ki din badalte hain badal bhi sakti hain mohron ki aakhiri chaalein palaT bhi saktaa hai paansa ki din badalte hain is ik zabaan se jaise sabhi badaltaa gayaa kisi ne Thiik kahaa thaa ki din badalte hain palaT ke aa na sakaa vo to phir yaqin huaa vagarna meraa 'aqida ki din badalte hain"

"rakkhi hai mulaaqaat kisi din pe uThaa kar bheji hai munaajaat so ai yaar du'aa kar sukhe hain kai phuul magar vaa'da-e-yaaraan rakhtaa hai miri mez pe guldaan sajaa kar kyaa us ke khayaalaat ki tafsil ho mujh se jaataa hai koi baat jo kaanon mein bataa kar kar mujh se mulaaqaat miri der ke mehmaan jaldi se kisi shaam charaaghon ko bujhaa kar baazaar ke baazaar yahaan us ke liye hain qimat jo baDhaataa hai kharidaar ghaTaa kar"

"kuchh logon ne aise mil kar us ko aaj kharidaa hai main hairaan huun do aankhon ke hote vo be-dida hai tab lagtaa thaa 'ishq se aasaan jaise koi kaam nahin ab lagtaa hai koi nukta kyaa is se pechida hai aate jaate logo dekho yuun na koi baat kaho kitne mausam guzre lekin dil ab ke sanjida hai vo dekhe to guzraa lamha mustaqbil ki yaad lage vo bole to aane vaalaa har ik harf shunida hai ye vo dil thaa jis mein us ko jaane kitne saal rakhaa ye vo ghar hai jis ki chaabi taale mein poshida hai"

"Tuut kar meri taraf aate hain log jaane juD kar kis taraf jaate hain log dekhte hain meri baaton kaa chalan meri surat par nahin jaate hain log vo agar dariyaaon se aavaaz de ik sadaa par aag bhi laate hain log ek qissa jo nahin thaa vaaqi'a aaj tak us ko bhi dohraate hain log pyaar mil jaae to sharmaate nahin pyaar ho jaae to ghabraate hain log nazm kab hai vo to yaksar giit hai jis ko antim raag mein gaate hain log"

"jahaan kahin se vo gulfaam saa nikaltaa hai miraa vahin pe koi kaam saa nikaltaa hai vo chaand jhaanktaa phirtaa hai khiDkiyaan aise kahin daricha kahin baam saa nikaltaa hai miri kiran to use subh karnaa chaahti hai vo aaftaab ki bas shaam saa nikaltaa hai har ek shakhs ko jaadu se khaas karti huun hisaar toD ke phir 'aam saa nikaltaa hai bullet to chal nahin sakti har ek baat pe ab so munh se lafz hi dushnaam saa nikaltaa hai"

"lagtaa hai magar aankh kaa dhoka nahin hotaa hotaa hai kabhi vo bhi jo sochaa nahin hotaa bhijvaae kabhi phuul to khud aataa nahin hai khud aae to baDh kar koi tohfa nahin hotaa hotaa hai hazaaron mein koi ek yahaan yuun hone se jahaan jis ke akelaa nahin hotaa kuchh belon ki banti nahin baarish se ziyaada kuchh baaton pe ronaa kabhi achchhaa nahin hotaa ham ret pe likh lete hain har zakhm ki taarikh agle kaa namakdaan bhi giilaa nahin hotaa ab kis ke liye kurte yaa saaDi kaa takalluf ab aisi kharidaari pe kharcha nahin hotaa kaam aate hain aksar vahi fehrist mein number kaam aane ki khaatir jinhein rakkhaa nahin hotaa"

"na aayaa ghar to kisi raaste mein maare gae ye ahl-e-rabt kisi vaaste mein maare gae jinhein gumaan ke khudaa se tavaqqu'aat rahin yaqin ke baa'd nae vaahime mein maare gae fughaan ki jin pe koi saaniha nahin guzraa tamaam 'umr isi saanahe mein maare gae tire ba'id tire hijr kaa nivaala bane tire qarib tire raabte mein maare gae kabhi to puchh ghuTan se jale charaaghon ko bujhe bujhe jo tire taaqche mein maare gae"

"ek lamha tumhaare jaane kaa faasla lag gayaa zamaane kaa hathkaDi to vo khud banaataa hai kyaa lagaaein pata Thikaane kaa phone par dhamkiyaan nahin achchhi faaeda aise haq jataane kaa giit candle dinner du'aa baarish koi andaaz ho manaane kaa sab se pahle tumhein sunaaeinge she'r jab bhi huaa sunaane kaa"

"abhi se ik kitaab ke hisaar mein ho tum sabhi ghise-piTe nisaab ke khumaar mein ho tum sabhi ye main huun apni gumrahi ki siidh mein khaDi hui ki gardish-e-shahaab ki qataar mein ho tum sabhi 'ajab nahin chaman se ruuTh jaaein saari khushbuein jo is tarah gulaab ke shikaar mein ho tum sabhi agar tumhein lage vo honT jhuuT bolte nahin to maan lo 'azaab ki pukaar mein ho tum sabhi khudaa kisi bhi rabt kaa subut maangtaa nahin vagarna kis hisaab ke shumaar mein ho tum sabhi suno ai kaaenaat se pare ke silsilo suno mire diye khitaab ke madaar mein ho tum sabhi ye raushni ba-silsila bayaad-e-raftagaan hai jame hue saraab ki phuhaar mein ho tum sabhi"

"kahin milegaa to ye ehtimaam kar leinge nahin kiye jo abhi tak vo kaam kar leinge sabhi ne us ke liye phuul le ke rakkhe hain qadam uThaae sahi ehtiraam kar leinge du'aa-salaam se achchhaa hai kaun saa rishta khafaa jo hone lagegaa salaam kar leinge sab us ke shahr mein jaate hue jhijhakte hain ki jaise us ke mazaafaat raam kar leinge tamaam hoti nahin yuun to guftugu us par kahaa jo us ne to sab se tamaam kar leinge"

"hissa miri khushi mein tiraa kam nahin rahaa jaane ke baa'd jaise tiraa gham nahin rahaa karti huun yaad vaqfa-e-maatam nikaal kar khush huun chalo ye silsila paiham nahin rahaa is baar zalzale ki masaafat 'ajib hai halkaa to ho gayaa hai magar tham nahin rahaa main kaise maan luun use meraa khayaal thaa jo hans ke boltaa rahaa barham nahin rahaa itnaa to jaantaa hai ki mujh se bichhaD ke vo achchhaa to lag rahaa hai magar jam nahin rahaa"

"darun mein intishaar bhi nahin rahaa kisi kaa e'tibaar bhi nahin rahaa ye kis tarah kaa vasl apne biich hai tujhe mujhe nikhaar bhi nahin rahaa dil apni mushkilon mein khud-kafil hai khudaaon ko pukaar bhi nahin rahaa kabhi thi meri guftugu bhi shaa'iri magar vo ikhtisaar bhi nahin rahaa vo ungliyaan bhi daaeron mein kho gaiin vo giit vo sitaar bhi nahin rahaa"

"baDi taaza havaa aati rahegi agar teri sadaa aati rahegi bhale vo sarsari saa ham ko dekhe hamein yaksar hayaa aati rahegi agar vo phuul denaa chhoD bhi de koi khushbu judaa aati rahegi tum us se zikr to zakhmon kaa chheDo vo hans bhi de shifaa aati rahegi nae shahron mein ham tum jaa baseinge mohabbat par mazaafaati rahegi"