Ghazal

"aisaa dikhaa hai ham ko nazaara kai dafa us ne kiyaa hai ham se kinaara kai dafa har baar mushkilon ne sataayaa mujhe magar maan ne diyaa hai mujh ko sahaaraa kai dafa ek baar maar dete to qissa tamaam thaa par us ne mujh ko hijr mein maaraa kai dafa ik baar bhi palaT ke na dekhaa miri taraf chillaa ke ham ne un ko pukaaraa kai dafa ik baar dekhne se kahaan bhar rahaa hai dil un se kaho ki dekhein dobaara kai dafa aansu firaaq dard-e-jigar be-qaraariyaan un ke liye kiye hain gavaaraa kai dafa 'haidar' ki zindagi ko mayassar sahar nahin hone ko ho rahaa hai saveraa kai dafa"

"jab raston se ishq-e-kaamil hotaa hai tab banda nazdik-e-manzil hotaa hai hamdardi hai dil mein to phir raah dikhaa bas tanqidon se kyaa haasil hotaa hai haq ki baatein us ki samajh mein aati hain jis bande ke siine mein dil hotaa hai rishton se samjhauta karnaa paDtaa hai varna kaun kisi ke qaabil hotaa hai hairat hai vo jis ko ham se rabt nahin dil bhi us ki jaanib maail hotaa hai aaj kahaan insaaf kaa mandir miltaa hai aaj kahaan qaazi hi aadil hotaa hai khud se to namrud nahin bantaa koi asal mein puuraa shahar hi baabul hotaa hai ham ko to hansne ki aadat hai varna muskaanon mein dard bhi shaamil hotaa hai 'haidar' dil mein basne vaalaa hi aksar dil ke armaanon kaa qaatil hotaa hai"

"dil taDaptaa hai miraa har din sahar hone ke baad maut aa jaae na tere bin sahar hone ke baad shaam tak fursat na tujh ko saans lene ki mile aa ke taklifein miri tu gin sahar hone ke baad raat aai aae maikhaane mein kaafir ho gae aur phir se ban gae momin sahar hone ke baad niind to kyaa chiiz aankhein band bhi ham ne na ki jab vo bole aaeinge lekin sahar hone ke baad chain dil ko aankh ko ThanDak khirad ko taazgi neamatein milnaa hai ye mumkin sahar hone ke baad un ke dil mein meri ulfat yuun samaai jis tarah phuul mein khushbu hui saakin sahar hone ke baad raat bhar ashkon ko roke muskuraayaa thaa magar ho gayaa zaahir miraa baatin sahar hone ke baad khauf aataa hai mujhe 'haidar' zamaane se bahut aa ke ban jaa tu miraa zaamin sahar hone ke baad"

"hain bahut mehrbaaniyaan teri yaad hain qadr-daaniyaan teri mere jiine ke do sahaare hain teri yaadein nishaaniyaan teri khud ko paayaa hai panne panne par paDh rahaa thaa kahaaniyaan teri ek din ham ko maar Daaleingi yahi naazuk-bayaaniyaan teri ro paDaa huun main dekh kar phir se apne andar nishaaniyaan teri"

"miraa din khubsurat yuun banaa detaa to kyaa hotaa vo ham ko pyaar se aa kar jagaa detaa to kyaa hotaa bahut vaa'de kiye the aap ne to saath rahne ke mohabbat mein agar ik do nibhaa dete to kyaa hotaa miraa is shab ki taariki se dil bechain hotaa hai rukh-e-anvar se vo parda haTaa dete to kyaa hotaa musavvir huun tasavvur aap ki tasvir hai meraa tumhein gar apni yaadon se miTaa dete to kyaa hotaa main kab se muntazir thaa aap ki nazar-e-karaamat kaa jo lamhe bhar ko hi chehra dikhaa dete to kyaa hotaa 'ajab ye shauq hai galiyon mein teri roz aataa huun tiri raahon mein hi ghar ko banaa dete to kyaa hotaa main apne zakhm khud hi dekh kar khud se ye kahtaa huun vo hans kar Taal jaate hain sazaa dete to kyaa hotaa hai un ki shaa'iri kaa bhi bahut charchaa zabaanon par ghazal ham ko bhi vo 'haidar' sunaa dete to kyaa hotaa"

"likhe the ham ne jo ashkon ki raushnaai se vo ishq ke bhi maqaalaat qimti hain bahut inhi se hoti hai me'raaj ishq ko haasil ye dard aur ye jazbaat qimti hain bahut nisaab-e-'ishq mein puchhe gae hain jo aksar javaab chhoDo savaalaat qimti hain bahut hamaare jiine ki Dhaaras yahi bandhaati hain tumhaari yaadon ki baaraat qimti hain bahut vo jis ke khvaab mein didaar un kaa ho jaae qasam khudaa ki vahi raat qimti hai bahut vo bol de to sabhi kuchh luTaa ke ham rakh dein ye sach hai un ki har ik baat qimti hai bahut hamaare ashk yahaan haisiyat nahin rakhte tumhaare ashkon ki saughaat qimti hai bahut vo lamhe jin mein hamein yaad aap aa jaae vahi hayaat ke lamhaat qimti hain bahut ye jab bhi aate hain ashkon ko saath laate hain ye ashk aur ye barsaat qimti hain bahut"

"ab un pe meri aah kaa hogaa asar kahaan kyaa haal hai miraa unhein is ki khabar kahaan ab un ke dil mein ham se faqiron kaa ghar kahaan bas dekhiye ke phirte hain ham dar-ba-dar kahaan ik mushkilon ki dhuup se meraa hai saamnaa aasaaniyon kaa raah mein koi shajar kahaan muddat hui ke iid mayassar nahin hamein aayaa hai chaand ham ko hamaaraa nazar kahaan bas ai tabib nuskha-e-didaar likh mujhe in marhamon se bhartaa hai zakhm-e-jigar kahaan har aan nafraton kaa hai pahraa gali gali ab ham karein talaash mohabbat-nagar kahaan har moD par hai ek musibat se saamnaa ab jaane khatm hogaa miraa ye safar kahaan taarik ho chuki yahaan 'haidar' ki zindagi us ko nasib ishq ke shams-o-qamar kahaan"

"ahvaal miraa puchhne aate bhi nahin hain kis haal mein khud hain ye bataate bhi nahin hain vaise to basaate hi nahin dil mein kisi ko par jis ko basaayaa hai bhulaate bhi nahin hain ham milte nahin un se ye un ko hai shikaayat aur khud vo mohabbat se bulaate bhi nahin hain chaahe na bulaanaa to na bulvaae vo lekin yuun khud se magar duur bhagaate bhi nahin hain dil se main kiyaa kartaa huun un logon ki izzat jo nekiyaan karte hain jataate bhi nahin hai un ko bhi sadaa mujh se mohabbat kaa hai daavaa honTon pe miraa naam jo laate bhi nahin hain jin taur tariqon ko vafaa kahte hain ab log vo taur tariqe hamein aate bhi nahin hain bas dard ke tanhaai ke ashkon se sivaa ab aashiq yahaan kuchh aur to paate bhi nahin hain jis tarah ke ahbaab khudaa ne diye 'haidar' aise mire rishte mire naate bhi nahin hain"

"jo bhi chaahein aap marzi aap ki jaaein aaein aap marzi aap ki dil lagaaein aap marzi aap ki dil dukhaaein aap marzi aap ki ham bahaaein ashk ye apnaa nasib muskuraaein aap marzi aap ki imtihaan ham ishq kaa deinge zarur aazmaaein aap marzi aap ki dard-e-dil se aap ko kyaa vaasta bas chalaaein aap marzi aap ki shaad dil ho gar tumhein ham dekh lein yaa rulaaein aap marzi aap ki main to chaahungaa hamesha aap ko ab bataaein aap marzi aap ki ab sunaaein kis ko 'haidar' haal-e-dil likh ke jaaein aap marzi aap ki"

"bahaa ke baiThe hain ashkon kaa ik samundar ham phir aa gae hain tire gaanv se guzar kar ham kisi ki aarzu ham the jo na hui puuri kisi ko ho gae bin kuchh kiye mayassar ham tumhaare dil mein hi rahte the ham to muddat se kise bataaein ki ab ho gae hain be-ghar ham isi liye to giraftaar hain masaail mein samajhne khud ko lage dusron se behtar ham fuzul aap bhi koshish na kijiye saahab na aa sakeinge kabhi qaid-e-gham se baahar ham na kuchh vo mere binaa hai na kuchh main un ke binaa agar vo mere sanam hain to un ke aazar ham ye aur baat ki arsa huaa bichhaD ke magar na ab talak bhi unhein bhuul paae 'haidar' ham"

"kis ne ye sochaa thaa 'haidar' aisaa bhi ho saktaa hai jis ko pyaar samajh baiThe vo dhokaa bhi ho saktaa hai ghairon ke haathon mein khanjar DhunD rahe ho aakhir kyon jis ne kiyaa barbaad hamein vo apnaa bhi ho saktaa hai saansein lenaa bas ho alaamat jiine ki laazim to nahin dil ke andar jhaank ke dekho murda bhi ho saktaa hai saare jahaan mein baat mohabbat ki jo kartaa phirtaa hai us ke ghar nafrat kaa andheraa phailaa bhi ho saktaa hai teri mahfil tere bande ho jitnaa bhi shor magar ham mahfil mein aaein to sannaaTaa bhi ho saktaa hai phir se kisi ko dil mein basaaun phir se kisi ke dard sahun ye dil kaa aangan hai suunaa suunaa bhi ho saktaa hai aag lagaane se pahle ai kaash vo itnaa soch bhi le ye jo jalaa hai ye meraa sarmaaya bhi ho saktaa hai 'haidar' saaraa haal main apnaa kaise ghazal mein likh Daalun fikr mujhe bas ye hai koi rusvaa bhi ho saktaa hai"