Ghazal

"hamaare zehn pe taari hai bebasi ab tak ki puuri ho nahin paai tiri kami ab tak tumhaare baad mire zakhm bharnaa duur ki baat tumhaare baad udaasi nahin gai ab tak bahut puraanaa taalluq ye un parindon se magar main samjhi nahin un ki dosti ab tak kisi ke saath ne jiine kaa hausla bakhshaa isi liye main na kar paai khud-kushi ab tak tumhaare baad kahin aur dil lagaanaa thaa tumhaare baad ye mohlat nahin mili ab tak tumhaare baad ujaale se ho gai thi chiDh hamaari aankh ko roti hai raushni ab tak ham aise log jo andar se mar chuke kab ke hamaari laash hi dharti pe hai dhari ab tak"

"dukh judaai ke khvaab ho jaaein dard saare gulaab ho jaaein aap baiThein jo mere pahlu mein log jal kar kabaab ho jaaein ek pal ko jo duur tum jaao ashk mere kitaab ho jaaein mere lab par savaal aayaa hai teri aankhein javaab ho jaaein raabte mein rahaa karo tum bhi na kahin dil kharaab ho jaaein jin parindon ko uDnaa aataa ho un pe pinjre azaab ho jaaein us ke haathon ke lams se 'iqraa' khaak reze gulaab ho jaaein"

"har aziyyat se guzaare hue log ham tire hijr ke maare hue log kitni jaldi hai utaaraa dil se kitni jaldi tumhein pyaare hue log raas aati nahin koi bhi shai ham tire ishq pe vaare hue log kaash aa sakte palaT kar phir se haae vo log guzaare hue log phuul bhi suukh gae raston pe jaane kab aaein pukaare hue log kyaa koi ham ko haraaTaa 'iqraa' ham to hain khud se hi haare hue log"

"ye kachche rang hain gahre main un ko dho nahin sakti sabhi kuchh jaanti huun is liye bhi ro nahin sakti abhi tak aankh ke har zaaviye mein hijr ke gham hain tumhaare khvaab aate hain magar mein so nahin sakti puraane peD ki Tahni huun par sarsabz huun ab tak parinde aate-jaate hain main buDhi ho nahin sakti mujhe vo sher kahne hain ki jin mein dil dhaDakte hon main naqli phuul aangan mein kabhi bhi bo nahin sakti bahaadur main banun jitni magar ye bhi hai sach 'iqraa' ki ab main mar to sakti huun pa tujh ko kho nahin sakti"

"tiraa vaada thaa vaada rah gayaa hai hamaaraa sabr taktaa rah gayaa hai vahi hai dard aankhon mein abhi tak jo tujh se ishq aadhaa rah gayaa hai mire vo zakhm saare bhar gae the magar dil phir bhi TuuTaa rah gayaa hai adhure khvaab saare miT gae hain tumhaaraa naam likkhaa rah gayaa hai ravaana kab se gaaDi ho gai hai hamaaraa haath hiltaa rah gayaa hai musavvir Thiik hai tasvir saari miraa chehraa kyuun saada rah gayaa hai ghazal 'iqraa' mukammal ho chuki hai magar sar hai ki dukhtaa rah gayaa hai"

"jaanaa chaaho to kis ne rokaa hai bin mire ji sakoge achchhaa hai jab se us ne kahaa khudaa-haafiz tab se sab kuchh dhuaan dhuaan saa hai aap se dhaDkanon ki raunaq hai dil mujhe aap jaisaa lagtaa hai tum nahin aae milne saavan mein baarishon kaa mizaaj phikaa hai ye to bas dil hi jaantaa hai miraa main ne kis dil se tujh ko chhoDaa hai kal huaa thaa guzar yahaan us kaa shahr kaa paani kal se miThaa hai mujh ko duniyaa samajh mein kyaa aati ek hi shakhs ko jo sochaa hai khud se banti nahin kabhi 'iqraa' jaane kis baat kaa ye jhagDaa hai"

"jab khayaalon mein tumhein paas biThaaun aksar miir ke sher hon lab par unhein gaaun aksar dafn kar ke sabhi vaadon ko jahaan bichhDe the vo shajar dekhne jaati huun main gaanv aksar main gilaa kaise karun tum ne mujhe raundaa hai apne saae pe bhi aa jaataa hai paanv aksar jab tire baad tiraa hijr sataae mujh ko tujh ko main yaad karun bhuul bhi jaaun aksar kaisaa rishta hai miraa tum se mujhe ilm nahin tum agar ruTho to main khud ko manaaun aksar meraa daavaa hai tujhe chhoD diyaa hai main ne phir tiraa zikr hi kyuun sheron mein laaun aksar 'aafiya' aaina dekhaa hi nahin muddat se khud se main baad tire aankh churaaun aksar"

"kahne vaale kahte hain dasht mein paagal rahte hain chaand bhi sun ke jaltaa hai chaand se chehre hote hain teraa hansnaa dekhein to mausam Thahraa karte hain zakhm lage hain phulon se jin ko paani dete hain aankhein meri sasti hain aansu tere mahnge hain us ke shahr ki baarish mein phuul baraste rahte hain ek nazar vo dekhein to ham aankhein paDh lete hain chiDiyaa tote mor aur vo mujh ko apne lagte hain un pe likkhe sher 'iqraa' kuchh aur bhi achchhe hote hain"

"din thakaa hai bahut hain raatein shal dil bhi chup hai khaDi hain aahein shal tum nahin ho to haal aisaa hai pair chalte hain par hain raahein shal aaj jhagDaa bahut zaruri thaa par galaa khushk hai hain baatein shal tum kahin bhi nazar nahin aate DhunDte ho gai hain aankhein shal main abhi Thiik se na ji paai aur hone lagin hain saansein shal ek massage talak nahin aayaa dekhte ho gaiin nigaahein shal ek duuje se mil nahin paatin aaj aise huiin hain baahein shal ratjage se vo haal hai 'iqraa' sochte sochte hain sochein shal"

"khvaab aaseb se ban nikle miri aankhon se log aise to nahin Darte miri aankhon se band TuuTaa jo mire dil mein basi aahon kaa phuuT nikle hain kai chashme miri aankhon se raunaqein vasl ki phir hijr ki vahshat haae tum ne dekhe hain kahaan mele miri aankhon se kitni khushiyon se sajaae the tire khvaab magar ab to raaton ko hain vo rote miri aankhon se dekhne vaalaa har ik shakhs yahi kahtaa hai phuul sukhe bhi lagein achchhe miri aankhon se khud ko dekhun to tiraa 'aks nazar aataa hai kitne hone lage hain dhoke miri aankhon se teri 'iqraa' ke sabhi she'r hain baatein teri tere qisse hi sadaa mahke miri aankhon se"