vo phir vaada milne kaa karte hain yaani — Aasi Ghazipuri

subh tak vo bhi na chhoDi tu ne ai baad-e-sabaa
yaadgaar-e-raunaq-e-mahfil thi parvaane ki khaak

itnaa to jaante hain ki aashiq fanaa huaa
aur us se aage baDh ke khudaa jaane kyaa huaa

vo yahaan tak jo aa nahin sakte
kyaa mujhe bhi bulaa nahin sakte

lab-e-naazuk ke bose luun to missi munh banaati hai
kaf-e-paa ko agar chumun to mehndi rang laati hai

bimaar-e-gham ki chaaragari kuchh zarur hai
vo dard dil mein de ki masihaa kahein jise

kis ko dekhaa un ki surat dekh kar
ji mein aataa hai ki sajda kijiye

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

tamaam umr bhaTakte rahe jo raahon mein
dikhaa rahe hain vahi aaj raastaa mujh ko

ye zindagi jise apnaa samajh rahe hain sab
hai mustaaar faqat raunaq-e-jahaan ke liye

kabhi kabhi to mohabbat ki zindagi ke liye
khud un ko ham ne ubhaaraa hai barhami ke liye