kahne ko faqat ibn-e-ali ibn-e-ali hain — Ahsan Gulfam

shahr kaa shahr ye pichhe jo paDaa hai mere
tere divaane mein kuchh baat to hoti hogi

ye shaairi kaa takalluf badan pe achchhaa libaas
sab iltizaam usi ek be-vafaa ke liye

mujh ko daavaa nahin yusuf saa hasin hone kaa
phir bhi hai meraa zulekhaaon mein charchaa saahab

rahne ko apne paas koi chhat nahin magar
chiDiyon ke chahchahaane ko aangan banaa diyaa

itni mahngaai hai marnaa bhi agar chaahun to
zahr miltaa nahin baazaar mein sastaa saahab

ab kahaan miltaa hai aashiq koi sachchaa saahab
zakhm hi koi lagaa dein mujhe achchhaa saahab

khirad vaalon ko kahne do ki hain saat aasmaan sar par
junun vaalo zaraa himmat karo bas ek ziinaa hai

tohmat-e-chand apne zimme dhar chale
jis liye aa.e the ham kar chale

bhurbhuri si haDDiyon mein vaqt kaa suraagh thaa
apni qabr khodne kaa hausla nahin huaa

shaaeri talab apni shaaeri ataa us ki
hausle se kam maangaa zarf se sivaa paayaa

zindagi ko hausla dene ke khaatir
khvaahishon ko reza reza chun rahaa huun

tohmat-e-jurm-o-khataa hirs-o-havaa ghaflat-e-dil
ham ne baazaar se hasti ke liyaa kyaa kyaa kuchh