jaane kyaa mahfil-e-parvaana mein dekhaa us ne — Aleem Masroor

afsaana mohabbat kaa puuraa ho to kaise ho
kuchh hai dil-e-qaatil tak kuchh hai dil-e-bismil tak

zamaane ko duun kyaa ki daaman mein mere
faqat chand aansu hain vo bhi kisi ke

uTh ke us bazm se aa jaanaa kuchh aasaan na thaa
ek divaar se niklaa huun jo dar se niklaa

nikle tiri mahfil se to saath na thaa koi
shaayad miri rusvaai kuchh duur chali hogi

bhiiD ke khauf se phir ghar ki taraf lauT aayaa
ghar se jab shahr mein tanhaai ke Dar se niklaa

anjaam-e-kashaakash hogaa kuchh dekhein to tamaashaa divaane
yaa khaak uDegi gardun par yaa farsh pe taare nikleinge

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maarka garm to ho lene do khun-rezi kaa
pahle shamshir ke niche hamin jaa baiTheinge

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

gul kiyaa jis ne vo thaa aur magar
shama ne shikva havaaon se kiyaa