ai taair-e-laahauti us rizq se maut achchhi — Allama Iqbal

tire ishq ki intihaa chaahtaa huun
miri saadgi dekh kyaa chaahtaa huun

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

nahin is khuli fazaa mein koi gosha-e-faraaghat
ye jahaan ajab jahaan hai na qafas na aashiyaana

nahin teraa nasheman qasr-e-sultaani ke gumbad par
tu shaahin hai baseraa kar pahaaDon ki chaTaanon mein

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

baatil se dabne vaale ai aasmaan nahin ham
sau baar kar chukaa hai tu imtihaan hamaaraa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

kisi ke ek ishaare mein kis ko kyaa na milaa
bashar ko ziist mili maut ko bahaana milaa

apne kaandhon pe liye phirtaa huun apni hi salib
khud miri maut kaa maatam hai mire jiine mein

vallaah in shahidon kaa meaar dekh kar
hai marg-e-shauq aur sivaa daar dekh kar

tan ko miTTi nafas ko havaa le gai
maut ko kyaa milaa maut kyaa le gai

ai hijr vaqt Tal nahin saktaa hai maut kaa
lekin ye dekhnaa hai ki miTTi kahaan ki hai