us ne naasur kar liyaa hogaa — Ammar Iqbal

khud hi jaane lage the aur khud hi
raasta rok kar khaDe hue hain

aur kitni ghumaaoge duniyaa
ham to sar thaam kar khaDe hue hain

main aainon ko dekhe jaa rahaa thaa
ab in se baat bhi karne lagaa huun

haath jis ko lagaa nahin saktaa
us ko aavaaz to lagaane do

ek darvesh ko tiri khaatir
saari basti se ishq ho gayaa hai

kaisaa mujh ko banaa diyaa 'ammaar'
kaun saa rang bhar gae mujh mein

na tum hosh mein ho na ham hosh mein hain
chalo mai-kade mein vahin baat hogi

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

sau fasaad ek ishq mein uTThe
boyaa ik tukhm uge hazaar darakht

kahaan milegi misaal meri sitamgari ki
ki main gulaabon ke zakhm kaanTon se si rahaa huun

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein

mujh tak kab un ki bazm mein aataa thaa daur-e-jaam
saaqi ne kuchh milaa na diyaa ho sharaab mein