hijr ki jang kaa sipaahi huun — Asif Jaanif

main tumhaare baghair aisaa huun
jis tarah diin hai nabi ke baghair

tu khudaa se bhi duur hai laDki
aur dil kaaein kaaein kar rahaa hai

ye kaise log tire aas-paas ghumte hain
inhein to dekh ke meraa dimaagh ghumtaa hai

udaas logon ke maathon ko chumte rahnaa
unhi ki vajh se bar-'aks ho gae tum log

hamein bannaa paDegaa alien varna mire pyaare
tujhe bhi khaaegaa aadam mujhe bhi khaaegaa aadam

mujhe malaal nahin teri bevafaai kaa
main apne aap se aankhein nahin milaa saktaa

is judaai mein tum andar se bikhar jaaoge
kisi maazur ko dekhoge to yaad aaungaa

ik tire kahne se meraa kam nahin kirdaar hogaa
ye alag hai baat main teri kahaani mein nahin huun

firaaq-e-khuld se gandum hai sina-chaak ab tak
ilaahi ho na vatan se koi gharib judaa

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

is qadar musalsal thiin shiddatein judaai ki
aaj pahli baar us se main ne bevafaai ki

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho