khvaab jazira ban sakte the nahin bane — Daniyal Tareer

khvaab kaa kyaa hai raat ke naqsh-o-nigaar banaao
raat ke naqsh-o-nigaar banaao khvaab kaa kyaa hai

shelf pe ulTaa kar ke rakh do aur bisraa do
gul-daanon mein phuul sajaao khvaab kaa kyaa hai

darinde saath rahnaa chaahte hain aadmi ke
ghanaa jangal makaanon tak pahunchnaa chaahtaa hai

ek be-chehra musaafir rang oDhe
dhund mein chalte hue dekhaa gayaa hai

dekhnaa ye hai ki jangal ko chalaane ke liye
mashvara richh se aur chiil se hogaa ki nahin

aakhir jism bhi divaaron ko saunp gae
darvaazon mein aankhein dharne vaale log

mere khvaabon ke jharokon ko sajaate rahiye
na sahi vasl magar yaad to aate rahiye

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

mubham se ek khvaab ki taabir kaa hai shauq
nindon mein baadalon kaa safar tez abhi se hai

aa hi gae hain khvaab to phir jaaeinge kahaan
aaankhon se aage un ki koi rahguzar nahin

nae daur ke nae khvaab hain nae mausamon ke gulaab hain
ye mohabbaton ke charaagh hain inhein nafraton ki havaa na de