baDi mushkilon se kaaTaa baDe karb se guzaaraa — Ehsan Darbhangavi

tum is taraf se guzar chuki ho magar gali gungunaa rahi hai
tumhaari paazeb kaa vo naghma fazaa mein ab tak khanak rahaa hai

shaayad abhi baaqi hai kuchh aag mohabbat ki
maazi ki chitaaon se uThtaa hai dhuaan 'ehsaan'

shauq ke mumkinaat ko donon hi aazmaa chuke
tum bhi fareb khaa chuke ham bhi fareb khaa chuke

nazar aati hai saari kaaenaat-e-mai-kada raushan
ye kis ke saaghar-e-rangin se phuTi hai kiran saaqi

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

ye do-dili mein rahaa ghar na ghaaT kaa 'anjum'
buton ko kar na sakaa khush khudaa ko paa na sakaa

jaane kyaa kah rahaa thaa vo mujh se
main ne bhi kah diyaa ki khush huun main

tum se Takraae to huaa maa'lum
haadse khushnumaa bhi hote hain

chhin liin khushiyaan miri aankhon se meri niind bhi
zindagi tu ne mujhe ab tak diyaa kuchh bhi nahin