shaam khaamosh hai peDon pe ujaalaa kam hai — Faheem Jogapuri

rah gai hai kuchh kami to kyaa shikaayat hai 'fahim'
is jahaan mein sab adhure hain mukammal kaun hai

band kamre mein tiraa dard na bujh jaae kahin
khiDkiyaan khol ki ye aag havaa chaahti hai

milan ke baa'd aati hai judaai
narak bhi sovarg se kitnaa nikaT hai

teri yaadein ho gaiin jaise muqaddas aayatein
chain aataa hi nahin dil ko tilaavat ke baghair

kitne tufaanon se ham uljhe tujhe maalum kyaa
peD ke dukh-dard kaa phulon se andaaza na kar

vaaqif kahaan zamaana hamaari uDaan se
vo aur the jo haar gae aasmaan se

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

maarka garm to ho lene do khun-rezi kaa
pahle shamshir ke niche hamin jaa baiTheinge

shama ik mom ke paikar ke sivaa kuchh bhi na thi
aag jab tan mein lagaai hai to jaan aai hai

kaun samjhe ham pe kyaa guzri hai 'naqsh'
dil laraz uThtaa hai zikr-e-shaam se

jaam-ba-dast-o-mai-ba-jaam yuun hi guzaar subh-o-shaam
ziist ki talkhiyaan mudaam pi ke pilaa ke bhuul jaa