is daur mein zindagi bashar ki — Firaq Gorakhpuri

tiraa visaal baDi chiiz hai magar ai dost
visaal ko miri duniyaa-e-aarzu na banaa

samajhnaa kam na ham ahl-e-zamin ko
utarte hain sahife aasmaan se

tire pahlu mein kyuun hotaa hai mahsus
ki tujh se duur hotaa jaa rahaa huun

ek muddat se tiri yaad bhi aai na hamein
aur ham bhuul gae hon tujhe aisaa bhi nahin

bahut pahle se un qadmon ki aahaT jaan lete hain
tujhe ai zindagi ham duur se pahchaan lete hain

sunte hain ishq naam ke guzre hain ik buzurg
ham log bhi faqir usi silsile ke hain

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

ai shahr-e-sitam-zaad tiri umr baDi ho
kuchh aur bataa naql-e-makaani ke alaava

bahut aziiz thi ye zindagi magar ham log
kabhi kabhi to kisi aarzu mein mar bhi gae

har baar hi main jaan se jaane mein rah gayaa
main rasm-e-zindagi jo nibhaane mein rah gayaa