kahiye aaina-e-sad-fasl-e-bahaaraan tujh ko — Gulnar Aafreen

ek parchhaain tasavvur ki mire saath rahe
main tujhe bhulun magar yaad mujhe tu aae

shaayad abhi kami si masihaaiyon mein hai
jo dard hai vo ruuh ki gahraaiyon mein hai

saudaa hai zamiron kaa har gaam tijaarat hai
chup huun to qayaamat hai bolun to baghaavat hai

kin shahidon ke lahu ke ye farozaan hain charaagh
raushni si jo hai zindaan ke har ik rauzan mein

kyaa baat hai kyuun shahr mein ab ji nahin lagtaa
haalaanki yahaan apne paraae bhi vahi hain

'gulnaar' maslahat ki zabaan mein na baat kar
vo zahr pi ke dekh jo sachchaaiyon mein hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

main ne apni palkon par gham-kade sajaae hain
aarzu ke maatam mein sogvaar hasti hai